بنجائی وزیر مواصلات مراد سعید نا قومی اسمبلی ٹی گپ وتران

اسلام آباد ۔ 08 نومبر (اے پی پی) بنجائی وزیر مواصلات مراد سعید پارینے کہ داخلقت منی لانڈرنگ و جعلی اکاءونٹ آتا کیس آتے ٹی اوار ءُ، پاکستان و بنجا نا وجود ءِ ہچ ءُ خطرہ اس اف، عمران خان اقوام متحدہ ٹی ہراوڑاٹ اسلام، کشمیر ، فلسطین و پاکستان نا مقدمہ ءِ پیش کرے اوڑا مچ آ قوم ءِ گمر ءِ ۔ جمعہ نادے قومی اسمبلی ٹی گپ و تران کرسا بنجائی وزیر مراد سعید پارے کہ 25ہزار 973قاسم سوری نا وونٹ ءُ ، خواجہ 65ہزار جعلی وونٹ آتا دوبہ ءِ خلسا غلط بیانی کرے ۔ اوپارے کہ ننے آ آرٹیکل شش انا رداٹ کیس انا ہیت ءِ کننگ ءُ، دا وزیر خارجہ ہم ئس و اقامہ ہم تخاکہ، اوفتا کس اس دھوبی مسنے و کس اس مستری مسنے و کس اس ویلڈر ہم جوڑ مسنے ، اونا اوبایدے ورندیءِ ایتے ۔ اووار وار فضل الرحمان نا ہیت ءِ کرینو ۔ خواجہ بطور وزیر خارجہ امریکہ غا ہنا تینے لبرل پارے و عمران خان ءِ دین دار پارے، دا امریکی تے خوش کننگ کن داکان مون آ ہنا و اوامریکہ ٹی تولسا امریکی تے پیش کش کرے کہ او داڑے بریر ۔ مراد سعید پارے کہ تدوک آ دے ہم اپوزیشن ایجنڈاغا ہیت کتنے ۔ اسپیکر نا کنڈآن ہراتم اوفتے ہیت کننگ نا موقع تننگا تو اوفک تینا تینا لیڈر آتا پروڈکشن آرڈرز و ناجوڑی نا ہیت ءِ کریر ۔ اوکانود سازی نا بابت ہچ ءُ ہیت اس کتوس ۔ اوپارے کہ اسپیکر نا عہدہ کسٹوڈین نا عہدہ ءِ ۔ 2014ء نا دھرنا نا وخت آ ہم اوفتا غٹ دیوان آک ہمووخت انا اسپیکر نا اُراٹی مسرہ و اینو اگہ اسپیکر کسٹوڈین نا کڑد ءِ ادا کرسا غٹ ءِ مون آ درسا ہِننگ ءِ تو اونا بایدے ستاءِ کننگے ۔ مراد سعید پارے کہ جے یو آئی نا باسک ہرا ہیت ءِ کرینے بحیثیت مسلمان کنٹینر آ او ہرا تقریر آتے کرینے اونا ورندی مریک ۔ نائن الیون آن پد پاکستان آ ہرا دہشت گردی نا دوبہ غاتے خلنگا اوفتا اوفک ورندی ءِ تتوس ۔ عمران خان اسلام ءِ دہشت گردی تون گنڈنگ تون اوارعالم اسلام نا مقدمہ ءِ ہراوڑاٹ پیش کرینے ہراڑا ننے گمر ءِ ۔