وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ

اسلام آباد ۔ 08 نومبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ اسہ سال آن پد دھاندلی نا غوغا الس ءِ گمراہ و جمہوری نظام ءِ نزور کننگ آن بیدس ہچ اس اف، مولانا فضل الرحمان الس آن مسترد مننگ آ جندی انتقام نا بدلہ قوم ءِ ذہنی اذیت آن دوچار کرسا ہلپ، کارندہ غاتے یخ انگا تہوتا گواچی کرسا ظلم کپ ۔ جمعہ نادے آ تینا ٹویٹ اٹی اوپارے کہ مولانا ضد و ہٹ دھرمی ءِ ہلے، ’’1973‘‘ نا آئین نا رداٹ ’’جمہوریت و آئینی اصول آتا پاسداری ءِ کے ۔ اوپارے کہ مذاکرات جمہوری عمل نا پن ءِ ہرانا نی تینٹ داعی مسونس، مذاکرات ءِ بے معنی گوندسا تینا ذہن نا کھڑکی تے انت اکن بند کننگ خواہک ۔ اوپارے کہ وہم نا درمان لقمان حکیم تون ہم الوکہ ۔ ڈاکٹر فردوس عاشق اعوان پارے کہ مولانا صاحب گچین کاری تیٹی اگہ دھاندلی مسوسس تو نی صدر نا گچین کاری تیٹی انتئے بشخ ہلکوسس ، نامار ایم این اے نا سوغند انت اکن ہرفیسس و اسہ سال آن پد دھاندلی نا غوغا الس ءِ گمراہ و جمہوری نظام ءِ نزور کننگ آن بیدس ہچ اس اف ۔