اسلام آباد۔ 7 ستمبر (اے پی پی) دری معاملہانی بنجاہی وزیر شاہ محمود قریشی ءَ یورپی یونین ءِ انسانی حقوق ءِ ھاسیں نماھندگ ایمن گلمور ءِ گوما ٹیلی فونک رابطہ کتگ ءُُ آئی ءَ را پنچ ھپتگ چہ زوربرتگیں کشمیر ءِ تہ انسانی حقانی سکیں پادمالی ءَ چہ سرپد کتگ۔دری معاملہانی کارگس ءِ نیمگا چہ جاڑی بیان ءِ ردا دری وزیر ءَ گوشت کہ بھارت ءِ درقانودی ءُُ در آئینی گام میاں اوستمانی کانودءِ پادمالی انت۔ایشی چہ کشمیریانی سیاسی ءُُ بنیاتی انسانی حقوق ھلاس کنگ بوھگ انت۔دری کارانی وزیر ءَ مقبوضہ وادی چہ کرفیو ءِ ھلاسی ءُُ کشمیریانی پرامنیں مچی،آزاتیں نقل ءُُ حمل،وردن ءُُ درمان ءِ پھجارگ ءِ ھوار سیاسی بندیگ ءَ را زوت یلہ دیگ ءِ لوٹ کتگ۔آہاں یورپی یونین ءِ سرا زور مان کتگ کہ آں کشمیریانی بنیاتی حقانی ھاترا توار ءَ برز کنت ءُُ بھارت ءَ را مجبور کن ایت کہ آں انسانی حقانی کانود ءِ ردا وتی زمہ واری ءَ سرجم کن ایت۔ یورپی یونین ءِ ھاسیں نماھندگ ءَ گوشت کہ انسانی ھقانی ھلاپ ورزی تکاسری سبب انت ءُُ یورپی یونین اے ھوالہ ءَ وتی کرد ءَ ادا کن ایت۔
