نائب مزن وزیر ءُ دری کارانی وزیر اسحاق ڈار ءَ اقوام متحدہ ءِ سیکرٹری جنرل انتونیو گوترز ءَ گوں گند ءُ نند کتگ، فلسطین، جموں ءُ کشمیر، اوگانستان، دمگی ءُ جھان ءِ امن ءُ ایمنی ءِ ھوالگ ءَ گپ ءُ تران

اسلام آباد۔6اکتوبر  (اے پی پی): نائب مزن وزیر ءُ درئی کارانی وزیر اسحاق ڈار ءَ اقوام متحدہ ءِ سیکرٹری جنرل انتونیو گوتریس ءَ گوں گند ءُ نند کتگ ءُ فلسطین، جموں ءُ کشمیر، اوگانستان، دمگی ءُ جھان ءِ امن ءُ ایمنی، انسداد ناشرکاری ءُ کثیر نیمگی ءِ آیوکیں وھد ءِ ھوالگ ءَ گپ ءُ تران کتگ۔ سئے شمبے ءِ روچ ءَ دری کارانی کارگس ءِ نیمگ ءَ جاڑی بوتگیں بیان ءِ رد ءَ دری کارانی وزارت ءَ برجم داشتگیں گند ءُ نند ءِ ساھت ءَ نائب مزن وزیر ءُ دری کارانی وزیر ءَ اقوام متحدہ ءِ سیکرٹری جنرل پاکستان ءَ را جموں ءُ کشمیر ءُ سندھ ءِ آپانی معاہدے ءِ ھوالگ ءَ پاکستان ءِ موقف ءِ بابت ءَ سرپدی داتگ ءُ پاکستان ءِ امن ءُ ایمنی ءِ لوٹ ءِ یک رندے پدا گشتگ ءِ رد ءَ شورا ءِ سلامتی ءِ تعلقداریں قرارداد آنی رد ءَ کنگ بوتگ۔ آئی ءَ گپ ءُ تران ءُ ڈی اسکالیشن ءِ واستہ پاکستان ءِ سفارتی کوشست آنی سر ءَ زور پر دات، ایشی ءِ تہ ءَ اسلام آباد ءَ امریکہ ءُ ایران ءِ گپ ءُ تران ءِ تہ ءَ پاکستان ءِ آسراتی ھم ھوار اِنت۔ آئی ءَ جیڈھ آنی گیواری ءِ موثر تریں وسیلگ ءِ رنگ ءَ گپ ءُ تران ءُ سفارتکاری ءِ پاکستان ءِ عزم ءِ سر ءَ زور پر دات۔ اقوام متحدہ ءِ سیکرٹری جنرل ءَ پاکستان ءِ میاں اوستمانی گل ءِ ھاتر ءَ دیریں ھزمت ءِ ھوار گپ ءُ تران، میانجی داری ءُ ڈی اسکالیشن ءِ دیمروئی ءِ ھاتر ءَ سفارتی کوشست آنی ستا کرتگ۔