آئی ایل او ءِ ڈائریکٹر جنرل گلبرٹ ایف ہونگبو ءَ وتی ڈل ءِ گوما مزن وزیر ءَ گوں گند ءُ نند کتگ، پاکستان آئی ایل او  ءِ گوما وتی جوانیں شریکداری ءَ را ارزشت دنت، شہباز شریف

اسلام آباد۔6اکتوبر  (اے پی پی): مزن وزیر محمد شہباز شریف ءَ گوشت کہ پاکستان ورنا آنی واستہ شریں ءُ پیداواری روزگار ءِ موہ پیداک کنگ ءِ رد ءَ انٹرنیشنل لیبر آرگنائزیشن ءِ گوما وتی جوانیں شریکداری ءَ را ارزشت دنت۔ میاں اوستمانی لیبر آرگنائزیشن ءِ نیمگ ءَ چہ گیش آسراتی پاکستان ءِ ہنرمندیں کارکن آناں میاں اوستمانی سرٹیفیکیشن ءُ پیشہ وارانہ تربیت ءِ رد ءَ جہانی لیبر مارکیٹ ءِ رجحان آنی گوما یکجا کنگ ءَ کمک رسیت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ایل او ءِ ڈائریکٹر جنرل گلبرٹ ایف ہانگبو ءَ وتی ڈل ءِ گوما مزن وزیر محمد شہباز شریف ءَ گوں گند ءُ نند کتگ۔ مزن وزیر ءَ انٹرنیشنل لیبر آرگنائزیشن ءِ ڈائریکٹر جنرل ءِ گرمیں سلام دات وتی بنداتی گشتانک ءِ تہ ءَ آئی ءَ پاکستان ءُ آئی ایل او ءِ نیام ءَ مھکمیں کمک ءَ را ساڑات۔ مزن وزیر ءَ گوشت کہ پاکستان انٹرنیشنل لیبر آرگنائزیشن ءِ گوما وتی جوانیں شریکداری ءَ را ارزشت دنت ھاسیں رنگ ءَ ہنرمندیں مردمی قوت ءُ ورنا آنی واستہ پیداواری روزگار ءِ موہ پیداک کنگ ءِ واستہ۔ مزن وزیر ءَ ھاسیں رنگ ءَ میاں اوستمانی سرٹیفیکیشن ءُ پیشہ وارانہ تربیت ءِ ھوالگ ءَ پاکستان ءِ ہنرمندیں مردمی قوت ءَ را گلوبل لبرل مارکیٹ ءِ گوما یکجا کنگ ءِ واستہ میاں اوستمانی لیبر آرگنائزیشن ءِ نیمگ ءَ گیش آسراتی ءِ ضلورت ءِ سر ءَ زور پر دات۔ آئی ءَ گوشت کہ میاں اوستمانی معاہدہ آنی لوٹ آنی رد ءَ حکومت راجی کار ءِ وشھالی، رکھینگ ءُ پیشہ وارانہ دیمروئی ءِ واستہ جوانیں گامگیج چست کنگ ءَ انت۔ مزن وزیر ءَ گوشت کہ حکومت ءَ مئے لبرل مارکیٹ آنی صنعتی دیمروئی، پیداواری گنجائش ءُ مقابلہ ءِ توان ءَ را گیش کنگ ءِ واستہ کسان ءُ میاں اوستمانی کاروباری اتھارٹی ءَ را دوبر فعال کتگ۔ آئی ءَ اے گپ ءِ سر ءَ زور پر دات کہ میاں اوستمانی لیبر آرگنائزیشن ءِ گوما کمک ءُ دیمروئی ءِ سیادی ءَ را گیش مھکم کنگ آئی ایل او ءِ گامگیج آناں گیش موثر جوڑ کنگ ءَ مزنیں کردے پیلو کت کنت۔ میاں اوستمانی لیبر آرگنائزیشن ءِ ڈائریکٹر جنرل گلبرٹ ایف ہانگبو ءَ گند ءُ نند ءِ سر ءَ مزن وزیر ءِ دل ءِ جہلانکی ءَ چہ منت واری ءِ درشان کت۔ ڈائریکٹر جنرل ءَ ملک ءِ کارکن آنی رکھینگ، پیشہ وارانہ دیمروئی ءُ وشھالی ءِ واستہ یکجائی کوشست آناں دیم ءَ برگ ءِ واستہ پاکستان ءِ گوما کار کنگ ءِ واھشت ءِ درشان کت۔ ڈائریکٹر جنرل ءَ آئی ایل او ءُ وفاقی وزارت ءِ اوورسیز پاکستانی ءُ انسانی وسائل ءِ دیمروئی ءِ نیام ءَ جوانیں رابطہ کاری ءَ را ھم ساڑات۔ گیلبرت ایف ہانگبو ءَ پاکستان ءِ حکومت، کار ءِ داتگیں مردم ءُ کارمند آنی گوما میاں اوستمانی کار ءِ گل ءِ برجاھیں کمک ءِ سر ءَ زور پر دات ءُ کارکن آنی سرجمیں دیمروئی ءُ صنعتی دیمروئی ءِ واستہ یکجائی کوشست آناں برجاہ دارگ ءِ وتی جزم ءِ درشان کت۔ گند ءُ نند ءَ انٹرنیشنل  لیبرآرگنائزیشن  ءِ  ڈائریکٹر جنرل  ءِ ھمبراہ  سینئر مشیر ہیتومی ناکاگومے   ءُ  پاکستان  ءَ  آئی ایل او  ءِ  کنٹری  کارگس ءِ  ڈائریکٹر گیر تھامس ٹونسل  ھم ساڑی  ات۔  وفاقی وزیر اوورسیز پاکستانی ءُ انسانی وسائل ءِ دیمروئی چوہدری سالک حسین، مزن وزیر   ھاسیں کمکار  سید طارق فاطمی، ادارُکی  سیکرٹری خارجہ نبیل منیر، ایمپلائرز فیڈریشن آف پاکستان  ءِ  صدر مجید عزیز، آئی ایل او  ءِ  گورننگ باڈی  ءِ  ڈپٹی ممبر(ورکرز)محمد سعد   ءُ  ٹوھیں  حکومتی  کارندہ  گند  ءُ نند ءَ شریک اتنت۔