اسلام آباد۔ 7 ستمبر (اے پی پی) چین ءِ دری کارانی وزیر وانگ ژی سہ فریقی مذاکرات ءِ تہ بھرزوری ءِ ھاترا ھپتگ ءَ اسلام آباد ءَ سربوتگ ات، نور خان ایئربیس ءَ سربوھگ ءِ سرا دری کارانی وزیرشاہ محمود قریشی ءَ آئی ءِ پُرشانیں وش اتک کتگ۔اے موہ ءَ دوئیں سروکاں دست دراہی کنان ءَ یک دومیگ ءِ ھاترا نیکیں واھشتانی درشانی کتگ۔ چین، افغانستان ءُُ پاکستان ءِ میان ءَ وزرائے خارجہ ءِ تبک ءِ سرا گپ ءُُ تران ءِ سیمی بھر ھفت ستمبرءَ دری کارانی وزیر شاہ محمود قریشی ءِ سروکی ءَ بناء بیت، سٹیٹ قونصلر ءُُ چین ءِ دری کارانی وزیر وانگ ژی ءُُ افغانستان ءِ دری کارانی وزیر صلاح الدین ربانی وتی ملک ءِ نماھندگی کن انت۔ایشی ءَ چہ پیسرءَ نورخان ایئربیس ءِ سرا دری معاملہانی وزیر شاہ محمود قریشی ءَ میڈیا ءَ گوں ھبرءُُ حال ھم کتگ۔آہانی گوشگ ات کہ اوگانستان ءَ امن ءُُ ایمنی بیت یو پاکستان ءِ تہ ھم امن بیت۔
