اسلام آباد۔ 7 ستمبر (اے پی پی) پاکستان ءُُ چین ءَ دمگ ءِ تہ امن ءُُ ایمنی ءِ برجاہی ءِ ھاترا ھواری ءَ کار کنگ ءُُ رھوت ءَ را گیش مھکم کنگ ءِ سرا تپاکی کتگ۔اے تپاکی ھپتگ ءَ دری معاملہانی وزیر شاہ محمود قریشی ءُُ ایشانی چینی ہمکار وانگ ژی ءِ میان ءَ گند ءُُ نند ءِ تہ کنگ بوتگ۔ چینی وزیر خارجہ سہ فریقی مذاکراتءِ سلسلہ ءَ ھپتگ ءَ اسلام آباد ءَ سر بوتگ انت۔ وزارت خارجہ ءِ تہ گند ءُُ نند ءِ یہ دودیمی سیادی ءُُ دمگ ءِ امن ءُُ ایمنی ءِ جاورھال ءِ سرا ھیال ریچی کنگ بوتگ۔دوئیں وزیر ءَ خطہ ءِ تہ امن ءُُ ایمنی ءِ برجاہی سرا تپاکی کتگ۔شاہ محمود قریشی ءَ پاکستان ءِ تہ آھگ ءِ سرا وتی ہمکارءِ منت گپتگ انت ءُُ گوشت کہ چین ءُُ پاکستان ءِ دوستی کوھنیں مھکمیں ءُُ لازوال انت وھدیکہ پاک چین دوستی خطہ ءِ تہ امن ءُُ ایمنی ءُُ گہبودی ءِ ضامن انت۔دوئیں ملک ءَ ہرگرانیں وھد ءَ یک دومیگ ءَ گوں پج بوتگ ات۔دری معامللہانی وزیر ءَ گوشت کہ ہندوستان ءِ زوربرتگیں کشمیر ءِ تہ کتگیں یک نیمگی گامانی پدا اقوام متحدہ سیکیورٹی کونسل ءِ تہ پاکستان ءِ چکاریں کمک ءِ سرا باز منت واراوں۔پاکستان ءَ اوگان امن ءُُ ایمنی ءِ کار ءِ تہ خلوص نیت ءَ گوں کردادا کتگ۔پاکستان ءَ دوحہ ءُُ ابو ظہبی ءِ تہ بیوکیں امن گپ ءُُ تران ءِ تہ کمک کتگ ءُُ مہ سرپد ءُُ کہ خطہ ءِ تہ امن ءُُ ایمنی ءِ برجاہی ءِ ھاترا نٹرااوگان گپ ءُُ تران باز اژدری انت۔آہاں گوشت کہ سی پیک ءَ چہ مئے سیادی ءَ را گیش تاگت رستگ انت۔
