کراچی۔ 7 ستمبر (اے پی پی)سرجمیں ملک ءِ تہ پاک فضائیہ ءَ وتی دراھیں ایئربیسز ءُُ تنصیبات ءِ سرا 7ستمبر یوم شہداء ءِ وڈ ءَ گوازینت انت۔ایئر چیف مارشل مجاہد انور خان ءَ شہیدانی یات گارءِ سرا پھلانی چادر چیر داتگ ءُُ فاتحہ ونتگ۔ھپتگ ءَ ادا چہ جاڑی بیان ءِ تہ پرنسپل اسٹاف آفیسر ز،افسراں ءُُ ایئرمین ءِ یک مزنیں کچ ءَ بھرزوری کتگ۔روچ ءِ بنداتی 1965ءُُ 1971ءِ جنگءِ شہیدانی ءُُ آں دراھیں مردمانی ھاترا دعا ءُُ قران خوانی ءَ گوں کتگ، آہاں پاکستان ءِ ودی بوھگ ءَ چہ گپت تنیگہ ماتیں وتن ءِ ھاترا وتی جان ندر کتگ ات۔اے موہ ءِ سرا تران کنان ءَ ایئر چیف مارشل مجاہد انور خان ءَ گوشت کہ پاک فضائیہ ءَ ھالیگیں آپریشن سویفٹ ریٹورٹ ءِ تہ دژمن ءِ سرا پدریں باج زوران ءَ یک رندے پدا دگنیا ءَ سرپد کتگ کہ مہ وتی گواتی سیمسرانی رکھگ ءِ ھاترا ہمک دم ساجو انت۔اے روچ ءِ درگت ءَ چہ پاک فضائیہ ءِ یک دستہ ءَ ائیر وائس مارشل غلام عباس گھمن، ائیر آفیسر کمانڈنگ، سدرن ائیر کمانڈ ءِ سر کردگی ءِ تہ پاک فضائیہ ءِ سروک ائیر چیف مارشل مجاہد انور خانءِ نیمگا چہ پائلٹ آفیسرراشد منہاس شہید (نشانِ حیدر) ءِ قبر ءِ سرا فاتحہ ونتگ ءُُ پھلانی چادر چیر داتگ۔سرجمیں ملک ءِ تہ پاک فضائیہ ءِ شہیدانی ہدیرہ ءَ ھم پھلانی چادر چیر دیگ بوتگ ات۔
