کوءٹہ ۔ 06ستمبر (اے پی پی) پاکستان تحریک انصاف نا مرکزی کمیٹی نا باسک و چیف آف رخشانی سردار پرنس عبدالقادر بلوچ نا کماشی ٹی یوم دفاع 6ستمبر و یکجہتی کشمیر نا بابت عظیم الشان ریلی اس کشنگا، ریلی آن ایف سی ہیڈ کوارٹر نا مون آ ن بناکرے و جناح روڈ آن مرسا صدیق اکبر چوک آ سرمس، ریلی ٹی بشخ ہلوک آک پاکستانی و کشمیری بیرک آتے ہرفیسر وخت اس کہ 100 میٹر مرغن قومی بیرک اس ہم بشخ ہلوک آک ہرفیسر ۔ مچی کروک آک پاکستان و کشمیر نا حق و بھارت مخالف نعرہ خلکر ۔ ریلی ٹی بشخ ہلوک آتیان چیف آف رخشانی سردار پرنس عبدالقادر بلوچ، ہندوپنچائیت نا سروک چوہدری سندیپ ئسک تران کرسا پاریر کہ پاکستان ءِ جنگ انا دھڑکو تروک آک 6 ستمبر 1965 نا عبرت ناک شکست ءِ یات تخر بلوچستان نا الس نا زند و مرک پاکستان تون ءِ پاکستان و بلوچستان آ خراب انگا نظر اٹ ہروک آتا خن تے کشنگ نا بلوچ قبیلہ غاک لاءخی تخرہ ۔ کشمیر ننا شہ رگ ءِ و شہ رگ اکن ہر حداسکان و جنگ کننگ آن ہم پدی مفنہ ۔ اوبھارتی وزیراعظم نریندر مودی نا کاٹم نا نہاد ءِ 10 کروڑ مقرر کرسا پارے کہ ہرکس کہ مودی نا خون ءِ کیک اودے 10 کروڑ انعام تننگک ۔ بلوچ قبیلہ انڈیا و انڈیانا گماشت آتون جنگ کننگ کن ہروخت تیار ءِ، پاکستان نا برخلاف سازش کروک آک یات کیر کہ ملک انا 21کروڑ الس تینا فوج اتون اواری اٹ ملک انا دفاع کن تینا تن و من و دھن نا ہم قربانی ءِ تننگ کن تیار ءُ ۔
