کوءٹہ ۔ 06ستمبر (اے پی پی) صوبائی وزیر جان جوڑی میر نصیب اللہ مری پارینے کہ بلوچستان نا سپوت آک ہمیشہ ملک دشمن تا عزم آتے مش تا کرینو شہید انا مرک قوم انا حیات ءِ ۔ داخیال آتا درشانی ءِ او شہید لیفٹیننٹ مسعود الرحمان نا اُراٹی اونا خاہوت تون یکجہتی نا درشان و شہید نا درجہ غاتا بڑزی کن فاتحہ خوانی نا وخت آ گپ و تران کرسا کرے وزیر جان جوڑی شہید لیفٹیننٹ مسعود الرحمان ءِ زبردست لوز آتے ٹی خراج عقیدت پیش کرسا پارے کہ شہید آتا قربانی تاسوب بلوچستان تون اوار مچ آ ملک اٹی امن نا دے ٹک تسنے ہرا شہید آتا قربانی تا بھرم ءِ کہ ملک دشمن آتا عزم بے سہب مس ملک انا چنا چنا وطن آ ندر مننگ کن تیار ءِ انتئے کہ پاک گل زمین شہید آتا امین ءِ اوشہید آتا خاہوت آتے باور کرفے کہ صوبائی حکومت آن انتس کہ مریک کیک دہشت گردی نا ناسور ءِ چٹفنگ کن الس وپاک فوج اسہ پنہ غاٹو و بلوچستان نا الس یوم دفاع غا عہد کیرہ کہ وطن دشمن تے ہر محاذ آ شکست ایتنہ انتئے کہ امن آ ہچ ءُ سمجھوتہ اس مننگ کپک ۔
