لاہور ۔ 06 ستمبر (اے پی پی) چیئرپرسن سٹینڈنگ کمیٹی فار چیف منسٹر انسپیکشن ٹیم مومنہ وحید پارینے کہ پاکستان اٹی اولیکو وار وڈی خوری آ بھلا بھلا بندغ آک کانود نا کٹورہ ٹی سلنگ ءُ، و لٹ وپل نا دور پوسکن آ پاکستان اٹی چلینگپک ۔ مسکوہی حکومت آتا دور تیٹی ریکارڈ وڈی خوری مس و وڈی خور عنصر آک ملک و قوم نا وسیلہ غاتے بے دڑدی اٹ لٹار ۔ مسکوہی نا حکمران تا جندی بینک بیلنس دے بھلن نن چنک شون ہلسا کریر و ایلو کنڈ الس ویل آتا چکی ٹی نسسا ہنار و پاکستان وڈی خوری نا دلدل اٹ اختہ مرسا کرے ۔ اوپارے کہ پوسکن آ پاکستان شفافیت نا کنڈاروان ءِ و وزیراعظم عمران خان نا کماشی ٹی پاکستان بدل مننگ ءِ و شفاف پاکستان نا بنداو ءِ تخنگانے ۔ اوپارے کہ مچ آ قوم تینا دور اٹی وڈی خوری ءِ کاٹم آن گدریفوک آتا حساب خواہک ۔ ہچ کس غلط فہمی ٹی مف ، دا پوسکن آ پاکستان ءِ ، داڑے غٹ کانود نا تابع ءُ و بدلی ہندادے کہ تینا وخت انا حکمران ہم وڈی خوری نا دوبہ ٹی دوٹی بسنو ۔ اوپارے کہ ہرکس کہ وڈی خوری و غلط ءُ کاریم اس کرے ، اودے اونا انجام ءِ ہرفوئی مریک ۔
