مظفر آباد ۔ 06ستمبر (اے پی پی) مظفر آباد اٹی یوم دفاع نا بابت خصوصی دود اس اڈ تننگا، نیلم آرمی اسٹیڈیم اٹی اڈہلوک آ دود اٹی صدر آزاد کشمیر مسعود خان و جی او سی 12 ڈویژن میجر جنرل عامر احسن نواز بشخ ہلکر ۔ داوخت آ سردار عتیق احمد و عبدالرشید ترابی آن بیدس چیف سیکرٹری مطہر نیاز رانا و حکومتی سیکرٹریز تتون اوار شہید آتا وارث، ہندی شاری و چینی باتی تا اسہ بھلو کچ اس ساڑی ئسر ۔ یوم دفاع نا دود محرم الحرام نا تقدس نا رداٹ سادگی اٹ اڈتننگا ۔ داوخت آ صدر مسعود خان و جی او سی 12 ڈویژن میجر جنرل عامر احسن نواز یات گار شہید آتیا پھل شاغار ۔ پاک فوج انا دستہ شرفدار آ مہمان تے سلامی پیش کریر ۔ داوخت آ صدر مسعود خان شہید آتا وارث آتے پھل آتا دستہ ہم پیش کرے ۔
