اسلام آباد ۔ 06 ستمبر (اے پی پی) پاکستان اٹی چین نا سفیر یاءو جنگ پارینے کہ ننا ملک سی پیک آ کاریم نا رفتار آن است جم ءِ، پاکستان و چین نا نیام اٹ آزادانہ واپار نا معاہدہ نا ارٹ میکو مرحلہ بروک آ تُو حتمی دروشم اس اختیار کیک اوکان پد پاکستان نا کشاری پیدوار و سی فوڈ تون اوار 90 درسد گڑاتیا صفر ڈیوٹی عائد مریک ہراڑان واپار ءِ بریبر کننگ اٹ کمک رسینگک ۔ چین نا سفیر یاءوجنگ داڑے ویمن چیمبر نا بانی صدر ثمینہ فاضل نا کماشی ٹی بروک آ ڈل اتون گپ و تران کرسا پارے کہ ایف ٹی اے ٹو انا آپریشنل مننگ آن پد پاکستان نا برآمد آتے ٹی 500 ملین ڈالر اسکان نا ودکی مریک ۔ پاکستان نا تعلیم ، جان جوڑی ، کشت وکشار، آبپاشی و انسانی وسیلہ غاتا بشخ آتے ٹی اسہ ارب ڈالر نا زرکاری کننگ نا فیصلہ ءِ کننگانے ہراڑا زوت عملدرآمد مریک ۔ اوتین پہ تینی واپار اٹی ودکی کن ویمن چیمبر نا سفارشات آتا ستاءِ کرسا پارے کہ او ہڑتوم آ ملک آتا پوریا گر زالبول آتے خڑک اتنگ نا کوشست کیک و چینی پوریاگر زالبول آتے نومبر اٹی اڈ ہلوک آ پنچ می اسلام آباد ایکسپو ٹی بٹنگنہ وخت اس کہ پاکستانی پوریا گر زالبول آتے چین اٹی اڈ ہلوک آ چندی نمائش آتیا گدریفنگک ۔ اوپارے کہ چین اٹی پاکستانی دستکاری تا بھلو خواست اسے وخت اس کہ بلوچستان نا دستکاری تے بھاز پسند کننگک ۔
