راولپنڈی ۔ 06ستمبر (اے پی پی) اولیکو نشان حیدر ہلوک آ دھرتی نا سپوت کیپٹن راجہ محمد سرور شہید نا یا ت گار آ جمعہ نادے شان و شرف دود اس اڈ ہلک ۔ آرٹلری کمانڈنٹ بریگیڈیئر ذوالفقار علی دود انا مہمان خاص ئس ۔ پنجاب آرٹلری نا چاک و چوبند دستہ گارڈ آف آرنر پیش کریر ۔ بریگیڈیئر ذوالفقار علی و راجہ محمد سرور شہید نا خاہوت نا بندغ آک یات گار آ پھل آتا چادر اس شاغار ۔ دود آن تران کرسا بریگیڈیئر ذوالفقار علی پارے کہ شہیدی و شہیدی نا جوزہ گواہی نا سلسلہ ءِ ہرا اللہ نا وحدانیت نا شاہدی ءِ، خلقت داڑے برسا شہید نا یات ءِ تازہ کیرہ، سلام ہمو لمہ غاتیا ہرافک داسپوت آتے ودی کریر ۔ اوپارے کہ 1965ء ٹی بھارت کشمیر ءِ اوار کننگ نا کوشست کرے و جنگ مس ، اینو ولدا بھارت ہمو کاریم ءِ کننگ ءِ و ہمو حالیت ءِ ۔ اوپارے کہ مہالو جنگ آک مون پہ مون و اسہ محاذ آ کننگارہ ، مہالو بیرہ وردی والا بندغ جنگ کننگ کریکہ ولے داسہ جنگ ننا شار و خلق آتے ٹی سرمسنے، اینو ہر ورنا تینا سوشل میڈیا آکاءونٹ آن دشمن ءِ ورندی تننگ ءِ و جنگ کننگ ءِ ۔
