اسلام آباد ۔ 05 ستمبر (اے پی پی) وزیر مملکت پارلیمانی امور علی محمد خان پارینے کہ کشمیریک مقبوضہ دامان اٹی پاکستانی بیرک ءِ چست کرینو، کشمیر نا آجوئی اسکان اوفتے تون تفوک اُن ۔ پنچ شنبے نادے داڑے کشمیر نا بابت اسہ سیمینار اسے آن تران کرسا اوپارے کہ بھارتی وزیراعظم نریندر مودی قاتل اعظم و خونی تا سڑدار ءِ ، مقبوضہ کشمیر اٹی کشمیری تا نسل کشی ءِ کننگ انگ ءِ، کشمیری تیا ظلم و جبر ننا سگ آن پیشن ءِ ۔ اوپارے کہ مقبوضہ کشمیر اٹی بیدادی تے جنگی سلہہ نا وڑاٹ کاریم اٹ اتنگ انگ ءِ ۔ کشمیریک مقبوضہ دامان اٹی پاکستانی بیرک ءِ چست کرینو، نن کشمیر نا آجوئی اسکان اوفتے تون تفوک اُن ۔ اوپارے کہ مقبوضہ کشمیر اٹی بیدادی نا برخلاف امت مسلمہ ءِ یکجا مروئی مریک ۔ اوپارے کہ پاکستان نا ازلی دشمن اسرائیل ءِ ہرکس کہ اسرائیل تون پاکستان نا مابت نا ہیت ءِ کیک او ہم پاکستان نا دشمن ءِ ۔ اوپارے کہ بھارت نا کنڈآن کشمیری تا نسل کشی و انسانی حق انا خلاف ورزی تا جہانی برادری نوٹس ءِ ہلے ۔ کشمیری تے کرفیو نا حالیت آتیان مشکل آتا مون تروک ءِ، مہذب دنیا ءِ بایدے مرے کہ او بھارت ءِ دا گام گیج آتیان تورے ۔
