کوءٹہ ۔ 05 ستمبر (اے پی پی) صوبائی وزیر داخلہ میر ضیاء اللہ لانگو پارینے کہ پاکستان امن پسند ءُ ملک اسے ولے ہراتم کہ جنگ ءِ مسلط کننگا پاک فوج کسبی چاہنداری، جیرت ، بہادری قربانی تا پوسکن ءُ داستان اس نوشتہ کیک ہموقومک تینا وجود ءِ دنیا ٹی برقرار تخرہ و زندہ سلرہ ہرا تینا دفاع ءِ سوگو کیرہ، پاکستان 6ستمبر 1965نا شب غیر اعلانیہ جنگ انا مقابلہ ءِ کرسا پاک فوج ثابت کرے کہ او ہر جارحیت نا پبی ورندی ءِ تننگ نا پبی لاءخی تخک صوبائی وزیر داخلہ میر ضیاء اللہ لانگو تینا اسہ بیان اسے ٹی پارے کہ دہشت گردی شدت پسندی شرپسندی آن صوبہ نا ہرتپہ سیاسی راجی مذہبی مکتبہ فکر انا خلقت زہمی مسنے ملک دشمن عنصر آک دہشت گرد آتا جنگ خاص ءُ تپہ سے کن اف بلکن زندہ قوم و انسانیت نا برخلاف ءِ اوپارے کہ زندہ انگا قومک مشکل آزمائش و چم آتا برخلاف بہادری اٹ سلرہ و سرسہب مریرہ، صوبائی وزیر داخلہ میر ضیاء اللہ لانگو پارے کہ ملک انا خلقت تینا سوچ و خیال آتے ہراتم بدلیفک ہراتم آجوئی نا قدرانا کننگ ءِ ہیل کیرہ تینا ملک انا بقاء کن داخہ در سوگو مریر کہ ننا ملک انا برخلاف غلط عزم و ڈٹ کروک آتا ارادہ غاتے مش تا کننگ کیر نن بھاز خوش نصیب اُن کہ ننے آجوئی نا نعمت ملا دا آجوئی نا قدر ءِ کننگ ننا غٹ انا فرض ءِ ۔ اسلام نا اصول حریت، اخوت ، بریبری ءِ علمی کہول آ دنیا ٹی پیش کننگے 1965 اٹی بھارت اناگت پاکستان آ جلہوگیر مرسا پاکستانی قوم انا دوتیان رسوا مننگ آن پد ہم ہندوستانی قوم ءِ ہوش بتو کہ او ہراقوم تون ٹکر ہلنگ ءُ اوتو کہینگ ءِ منرہ ولے کس اسے نا مون آ شیف مفسہ دا جنگ محض سلہہ غاتے اٹ جوزہ غاتے اٹ کٹنگک ۔ داوخت آ دا جوزہ پاکستانی قوم اٹی بیدار ءِ پاکستانی الس نا کشمیر تون دلی وابستگی ءِ ۔ پاکستانی الس آخیریکو دم اسکان کشمیر تون سلرہ ۔
