اسلام آباد ۔ 05ستمبر (اے پی پی) حج کننگ آن پد سرکاری و پرائیویٹ اسکیم تا جم وڑاٹ اسہ لکھ 40 ہزار آن زیات حاجی وطن آ پدی سرمسنو ۔ وزارت مذہبی امور نا ترجمان نا رداٹ حج آن پد فلاءٹ آپریشن 15 ستمبر اسکان پورو کننگک ۔ سرکاری اسکیم نا 77 ہزار وخت اس کہ پرائیویٹ اسکیم نا 63ہزار حاجی پی آئی اے، سعودی ایئر لائن و ایئر بلیو نا جہاز آتا کمک اٹ وطن آ پدی سرمسنو ۔ ترجمان نار داٹ 62ہزار آن زیات حاجی تے مدینہ منورہ غا سرکننگانے ہراڑے او 8 دے اڈ کننگ آن پد وطن آ واپس رادہ مریرہ ۔ سرکاری اسکیم نا 5 ہزار حاجی مکہ مکرمہ ٹی ساڑی ءُ ۔
