برطانیہ بھارت ءِ کشمیری تا نسل کشی آن تورے، مقبوضہ کشمیر نا پیشن نا دنیا تون رابطہ ءِ بحال کننگے
لندن ۔ 05 ستمبر (اے پی پی) وزیراعظم آزاد کشمیر راجہ فاروق حیدر پارینے کہ برطانیہ بھارت ءِ کشمیری تا نسل کشی آن تورے و مقبوضہ کشمیر نا پیشن نا دنیا ءِ رابطہ ءِ بحال کننگے ۔ داخیال آتا درشانی ءِ او برطانیہ نا ڈپٹی اپوزیشن لیڈر ٹام واٹسن تون اوڑدہی ٹی کرے ۔ وزیراعظم آزاد کشمیر برطانیہ نا ڈپٹی اپوزیشن لیڈر ءِ مقبوضہ کشمیر نا ساڑی حالیت آتیان معلومدار کرسا پارے کہ برطانیہ بھارت ءِ کشمیر ی تا نسل کشی آن تورے، مقبوضہ کشمیر نا پیشن نا دنیا تون رابطہ ءِ بحال کننگے ۔ اوپارے کہ برطانیہ کشمیر نا ویل ءِ ایسر کرفنگ کن تینا اہم کڑد ءِ ادا کے ۔ کشمیر پاکستان و بھارت نا نیام اٹ ڈغاری تنازع اف ۔ راجہ فاروق حیدر پارے کہ کشمیر نا ویل تقسیم ہند نا بے پورو ایجنڈا ءِ ۔ جہانی برادری کشمیر نا ویل انا ساف ایسری اس پٹے ۔ وزیراعظم آزاد کشمیر پارے کہ مقبوضہ کشمیر آن کرفیو ءِ دمدستی چٹفنگے ۔ کشمیری تے غذائی اجناس و دوائی تسکان رسینگ تننگے ۔ کشمیر نا ویل آ اقوام متحدہ نا قرارداد آک ساڑی ءُ ۔
