اسلام آباد ۔ 05 ستمبر (اے پی پی) وزارت قومی جان جوڑی ماڈل ہیلتھ سٹی ڈٹ آ باقاعدہ کاریم نا بناءِ کرسا بنداوی جان جوڑی نا ہند آتے فعال کننگ و مانیٹرنگ نا کاریم نا بناءِ کننگانے ۔ وزیراعظم نا خصوصی کمکار جان جوڑی ڈاکٹر ظفر مرزا کرپا بنداوی جان جوڑی ہند انادورہ ءِ کرے و ہیلتھ سینٹر اٹی الس ءِ تروک آ آسراتی تا جاچ ءِ ہلک ۔ اوکرپا ہیلتھ سینٹر اٹی درکار اسٹاف و پوسٹ آتیا تعیناتی نا بابت لسٹ اس فراوان کننگ و پیرامیڈیکل اسٹاف و ڈاکٹر آتے تینا حاضری ءِ المی کننگ نا پارت کرے ۔ اوپارے کہ درمان نیزگارالس نا حق ءِ داٹی ہچ وڑنا ڈیوالائی ءِ سگنگ پننگک ۔ اوپارے کہ اسلام آباد نا غٹ بنداوی جان جوڑی ہند آتے اپ گریڈ کننگ انگ ءِ ۔ نیزگارخلقت نا ہم درمان کن ہموخس حق ءِ اخس کہ ہزارخلقت نا ءِ ۔ نیزگاری نا لکیر آن شیف زند ءِ تیر کروک آ بندغ آتے کن درمان نا آسراتی تے المی کننگ کن پرعزم اُن ۔ اوپارے کہ نیزگار بندغ آتے ہیلتھ سینٹر اٹی برسا بایدے احساس مرے کہ حکومت درمان نا آسراتی تا فراوانی ءِ المی کننگ ءِ ۔ اوپارے کہ بنداوی ہند آتے حقی وڑاٹ فعال کرسا نمونہ نا وڑاٹ پیش کینہ ۔ اوپارے کہ او تینٹ بنداوی ہند آتا مانیٹرنگ ءِ کیک ۔ اوپارے کہ کرپا بنداوی ہند جان جوڑی ءِ مثالی ہیلتھ سینٹر اس کننگ اُن ۔ یونیورسل ہیلتھ ءِ المی کننگ کن پرائمری بنداوی جان جوڑی نا نظام ءِ سوگو کننگ اُن ۔ اوپارے کہ حکومت وسیلہ غاتے انسان تیا خڑچ کننگ ءِ ۔ وزیراعظم نا وژن نا رداٹ جان جوڑی نا بشخ اٹی گچینی اتنگ کن غٹ وسیلہ غاتے کاریم اٹ اتینہ ۔
