اسلام آباد ۔ 05 ستمبر (اے پی پی) وزیراعظم عمران خان پارینے کہ میڈیکل ٹیچنگ انسٹیٹیوشنز (ایم ٹی آئی ) آرڈیننس نا مسخت سرکاری ہسپتال آتے ٹی گچین آسراتی تا فراوانی ءِ المی کننگ نا ءِ ۔ پنچ شنبے نادے تینا اسہ ٹویٹ اسے ٹی وزیراعظم عمران خان پارے کہ میڈیکل ٹیچنگ انسٹیٹیوشنز (ایم ٹی آئی ) آرڈیننس آن سرکاری ہسپتال آتا حیثیت بدل مفک بلکن داڑان گچین و پوسکن انگا بست و بند آتے المی کننگک ۔ اوپارے کہ آرڈیننس نا مطلب نجاری اف بلکن دا سرکاری بشخ انا ہسپتال آتا گچینی کن حکومت نا اصلاحات نا اسہ بشخ اسے ۔ ایم ٹی آئی نا رداٹ سرکاری ہسپتال آتے پورو وڑاٹ واکدار بورڈ آف گورنرز نا رداٹ چلیفنگک ہرانا غٹ باسک آک نجی بشخ اتون تعلق تخرہ ۔ وزیراعظم پارے کہ ہسپتال سرکاری ہسپتال ہی سلک ولے ایم ٹی آئی نا رداٹ گچین انتظامیہ نا کمک اٹ مریض آتے درمان نا گچین آسراتی تا فراوانی ءِ المی کننگک ۔
