اسلام آباد ۔ 05 ستمبر (اے پی پی) وزیراعظم عمران خان تون اومان نا پارلیمانی ڈل چیئرمین مجلس شوری شیخ خالد بن ہلال المعوالی نا کماشی ٹی پنچ شنبے نادے آ وزیراعظم آفس اٹی اوڑدہی کرے ۔ اسپیکر قومی اسمبلی اسد قیصر ہم داوخت آ ساڑی ئس ۔ وزیراعظم ڈل ءِ مقبوضہ کشمیر اٹی کشمیری تا حالیت زار و بھارتی فوج انا کنڈآن کودک کشمیری مسلمان تا برخلاف کروک آ بیدادی آن معلومدار کرے ۔ ہڑتوم آ کنڈآک چندی بشخ آتے ٹی تین پہ تینی کمکاری ءِ سوگوی تننگ و ہڑتوم آ کنڈآتا واپار اٹی پین ودکی نا گرج انا ہم اعادہ ءِ کریر ۔ اومان نا ڈل اٹی محمد علی امیر باقی، محمد خمیس عبداللہ البادی ، محمد رمضان قاسم البلوشی ، یونس یعقوب عیسی السیابی ، سلیم عمار سعید المفارجی و سفیر الشیخ الاعمر مرحون ئسک اوار ئسر ۔
