پاکستان انسٹیٹیوٹ آف ڈویلپمنٹ اکنامکس ءِ نودربرء ُ راہ دربراں کشمیر ہائی وے ءِ سرءَ 100ءَ چہ گش درچک کشتگ
اسلام آباد ۔ 4ستمبر(اے پی پی) کلین اینڈ گرین پاکستان مہم ءِ ردءَ درچک کشگ بوہگءَ اِنت،پاکستان انسٹیٹیوٹ آف ڈویلپمنٹ اکنامکس ءِ نودربرء ُ راہ دربراں کشمیر ہائی وے ءِ سرءَ 100ءَ چہ گش درچک کشتگ ۔ اسلام آباد ءِ ڈپٹی کمشنر حمزہ شفقات ءَ نہالے کشتگء ُ درچک کشگءِ بندات کتگ ۔ اے موہءَ حاسیں دعا لوٹگ بوتگ ۔ اے موہءَ حمزہ شفقات ءَ گشتگ کہ اے مہم ءِ سوبمندی شہری آنی ہمراہ داریءَ گوں بندوک اِنت ۔ آئیءَ گشتگ کہ حکومت ملک ءَ چہ آلودگی ء ُ گندءُ گسڈءَ ہلاس کنگ لوٹ ایت ۔
