اسلام آباد ۔ 4ستمبر(اے پی پی) مزن وزیر عمران خان ءِ سروکی ءَ نوکیں پاکستان ہاءوسنگ منصوبہ ءِ ردءَ بنجاہی حکومتءَ بازیں منصوبہ آنی ہوالگءَ مزن تک ءِ دیوان بوتگ ۔ دیوانءَ حاسیں کمک کار سید ذوالفقار عباس بخاری، حاسیں کمک کار ندیم افضل چن، گورنر اسٹیٹ بنک رضا باقر، سیکرٹری ہاءوسنگ ڈاکٹر عمران زیب، نوکیں پاکستان ہاءوسنگ اتھارٹیءِ چیئرمین لیفٹیننٹ جنرل (ر) انور علی حیدر ، چیئرمین سی ڈی اے عامر احمد علی ء ُ دگہ سنیئر افسر ہوار بوتگ اَنت ۔ مزن وزیر کارگسءَ چہ جاری بیانءِ ردءَ سیکرٹری ہاءوسنگ ڈاکٹر عمران خان زیب ءَ مزن وزیرءَ را حال داتگ کہ بنجاہی حکومت ءِ جی 13سیکٹر ءَ 45ایکٹر ءِ کمرشل زمین، بیپاری سُرء ُ پر ء ُ لوگء ُ جاگہ جوڑ کنگءِ ضلورتءَ پیلو کنگءِ ھاترءَ اَست اِنت کہ اِدءَ بُرزی ماڑی جوڑ کنگ بوت کنت ء ُ ملکی ء ُ درملکی زرکار دعوت دیءگ بنت ۔ مزن وزیر ءَ دیوانءَ گوں تران کتگء ُ گشتگ کہ نوکیں پاکستان ہاءوسنگ منصوبہ انوگیں حکومتءِ حاسیں منصوبہ اِت کہ ایشی ءَ چہ لوگء ُ جاہءِ ضلورت پیلو کنگ بیتء ُ معاشی سُرء ُ پراں گیش بوہگءَ کمک رسیت ۔ مزن وزیر ءَ گشتگ کہ ہاءوسنگ ء ُ کنسٹرکشن ءِ پڑءَ زرکاراناں ہرچ وڑیں آسراتی ء ُ آسودگی دیءگ بیت ۔
