اسلام آباد۔ 04 ستمبر (اے پی پی) وزیراعظم عمران خان چیئرمین زرکاری بورڈ ءِ پارت کرینے کہ غٹ وزارت آتیٹی واپار تون گنڈوک گرج گڑا تے بھاز سْترا جوڑ کننگے، بے گرج موکل کاغد و ضابطہ غاتے چٹفنگ آ کاریم ءِ ِ ترند کننگے و دابارواٹ ہفتہ وار رپورٹ اس پیش کننگے۔ اوداپارت ءِ چارشنبے نادے سمال اینڈ میڈیم انٹر پرائزز کن کاروبارا ٹی آسانی ودی کننگ نا بابت چست کروک گام گیج آتیا بریفنگ نا کماشی ءِ کرسا تس۔ دیوان اٹی خصوصی کمکار ڈاکٹر فردوس عاشق اعوان، چیئرمین زرکاری بورڈزبیر گیلانی و ایلو سینئر آفیسر آک ساڑی ئسر۔ وزیراعظم ءِ چیئرمین زرکاری بورڈ انا کنڈآن ایس ایم ایز کن آسانی ودی کننگ نا بابت داوخت اسکان چست کروک آ گام گیج آتیا سرجم بریفنگ تس۔ وزیراعظم ءِ پاننگاکہ چنکا و درمیانہ درجہ نا کاروبار بناکننگ و دابابت المی موکل نامہ و رجسٹریشن نا عمل ءِ کمپیوٹرائز و خودکار جوڑ کننگ آ کاریم برجاءِ تانکہ ہراڑے وڑوڈول ءِ آسان کننگ مرے ہموڑے شفافیت ءِ المی و خیسن آ فیتہ ءِ چٹفنگ مرے۔ وزیراعظم ءِ پاننگاکہ سمال اینڈ میڈیم انٹرپرائزپالیسی فریم (2024-2019) ء اس جوڑ کننگ انگءِ۔ داوخت آ وزیراعظم پارے کہ ساڑی حکومت پورو وڑاٹ کوشست کننگ ءِ کہ ادارہ و نظام ءِ پوسکن آ وڑوڈول آتیا اتنگ کن غٹ وسیلہ غاتے کاریم اٹ اتنگے و دارداٹ ٹیکنالوجی ءِ پبی کاریم اٹ اتنگے۔ وزیراعظم پارے کہ وزارت کانود نا سلابت آن کنٹریکٹ انفورسمٹ(معاہدہ غا عملدرآمد) نا بابت معاملات و لیڈر یونیو ریکارڈ ءِ پین منظم کننگ آ خصوصی چکار کننگے۔
