اسلام آباد۔ 04 ستمبر (اے پی پی) بنجائی وزیر مذہبی امور پیر نور الحق قادری نا کماشی ٹی چارشنبے نادے وزارت مذہبی امور اٹی ایران، عراق و شام انا زیارت آتا بابت سلابتی دیوان اس اڈ ہلک ہراٹی شیعہ، وفاق المدارس، عالم دین وایلو شخصیت آک بشخ ہلکر۔ داوخت آ ہیت وگپ کرسا وزیر مذہبی امور پارے کہ وزارت زائر آتا آسراتی کن غٹ کڑدہ غاتون سلابت کننگ ءِ۔ اوپارے کہ آل رسول ﷺ تون عقیدت و مابت کروک شش لکھ زائر سالانہ زیارت آ کارہ۔ دا بابت پاکستان، ایران و عراق اٹی زائر آتے ہروڑآسراتی تا فراوانی کن جامع پالیسی آ کاریم برجاءِ۔ اوپارے کہ فیری سروس و خصوصی جہاز آتا جاری کننگ آ تعلقدار ادارہ غاتون ہیت کننگک۔ اوپارے کہ تفتان اٹی زائر آتے آسراتی تا فراوانی کن بلوچستان حکومت تون ہیت وگپ انا چرجوئی ہم برجاءِ۔
