وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ
اسلام آباد۔ 04 ستمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ بھارتی جبر آن نجات و کشمیری تا آجوئی نوشتہ دیوار ءِ، ہفت دہائی تیٹی مظلوم کشمیری تا حق اٹی غٹ آن واکدار و تواناتوار وزیراعظم عمران خان نا ءِ، ہرا بھارتی ظلم ستم ءِ ہکل تننگ ءِ، نیوریارک ٹائمز اٹی سرحال مرے یا امریکہ ٹی تران او ہر فورم آ کشمیری تا مقدمہ ءِ کننگ ءِ۔ چارشنبے نادے تینا ٹویٹ اٹی ڈاکٹر فردوس عاشق اعوان پارے کہ وزیراعظم عمران خان دنیا ءِ مودی نا فسطائی سوچ و ظلم آن جہانی امن ءِ مون تروک سنگین نتیجہ غاتیان خبڑدار کننگ ءِ۔ اوپارے کہ سعودی عرب و امارات نا وزیر خارجہ غاتا بننگ کشمیری تیکن پاکستان نا سفارتی کوشست و وزیراعظم نا جند آ پت انا درشانی ءِ، سعودی و اماراتی وزیر خارجہ غاتا کشمیر نا ساڑی حالیت آتیا پاکستان آ بننگ اوفتا گڑتی نا درشان ءِ و دامعاملہ نا مسلمہ متنازعہ حیثیت نا اسہ پین شاہدی اسے۔ اوپارے کہ مذہب دنیا مظلوم کشمیری تتون تفسا انسانیت تون تینا وابستگی، شرف و انسانیت نا تقدس ءِ بچفنگ اٹ کڑد ادا کے۔
