اسلام آباد۔ 3 ستمبر (اے پی پی) سپیکر قومی اسمبلی اسد قیصر ءَ گوشت کہ زوربرتگیں کشمیر ءِ تہ لٹ ءُُ کُٹ ءِ ردیں مثال جوڈ بوتگ انت،اگہ اقوام متحدہ وتی منگ نامہ ءَ وڈ ءُُ پیم مہ کنائینت کت تو اے ایشی ءِ کردءِ سرا جستی نشان انت۔انسانی حقانی میاں اوستمانی گلانی ھاترا ھم اے جاورھال لمحہ فکریہ انت،ایشی ءِ اثرات ایوکا پاکستان ءُُ بھارت ءِ تاں نہ اوشت انت بلکہ سرجمیں دگنیا ایشی ءِ آماچ بیت۔انسانی حقانی ھلاپ ورزی ءُُ یکشلہ کرفیو ءِ جاورھال چہ زوربرتگیں کشمیر ءِ تہ زند گوازینگ محال بوتگ، اگہ میاں اوستمانی براھندگی ءَ اے جاورھال ءِ سرا دلگوشی مہ دات تو گڈا گمان انت کہ ایشی چہ بیم کاری ءُُ آسرکاری ودی بیت۔سئے شمبے ءَ پارلیمنٹ ہاوس ءِ تہ پرنٹ ءُُ الیکٹرانک میڈیا ءِ ٹوھیں اھوالکاراں گوں گپ ءُُ تران کنان ءَ آہاں گوشت کہ منی اولی دلگوشی انت کہ پارلیمنٹ ءِ شرپ برز بیت،ایشی ءِ ھاترا مہ پارلیمنٹ ءِ کارکردگی ءَ را گہتر کنگ ءِ ھاترا پارلیمانی کمیٹی آنی کارکردگی ءِ موثر نگہوانی ءِ نظام ءَ آرگ اوں۔دراھیں پارلیمانی کمیٹی ءَ را مھکم جوڈ کنگ ءِ ھاترا آہاں را اکیڈمیاء ءَ گوں ہمگرنچ کنگ اوں۔آہاں گوشت کہ پاکستان ءِ راجدپترءِ تہ اولی رند ءَ پارلیمنٹ ءَ کشت ءُُ کشاری ءِ ھوالہ ءَ ھاسیں کمیٹی جوڈ کتگ انت ایشی ءِ تہ دراھیں پروفیشنلزبیج جوڈ کنوکیں ادارگہاں گوں ھواری ءَ کار کنگ اوں۔ زرعی تحقیق ءِ ھاترا پی اے آر سی ءِ ھوار دگہ کشت ءُُ کشاری پٹ ءُُ پولکارءِ ادارگہاں را پنچ ارب کلدار دیگ بنت،آہاں گوشت کہ فنانس ءُُ کامرس کمیٹیءَ را ھم گہتر جوڈ کنگ ءِ ھاترا اسد عمر،نوید قمر ءُُ خرم دستگیر خان وڈیں مردماں گوں ھواری ءَ گہتری ءِ ھاترا پارلیمانی نگہووانی ءِ شریں نظام آرگ لوٹگ اوں۔آہاں گوشت کہ کشمیر کمیٹی ءِ گوما ھواری ءَ برطانیہ، روس ءِ ھوار سرجمیں دگنیا زوربرتگیں کشمیر ءِ جاورھال ءَ را اجاگر کنگ بوھگ انت۔کشمیر کمیٹی ءَ گوں قائداعظم یونیورسٹی، نسٹ ءُُ آئی بی اے وڈیں تعلیمی ادارگہاں راھوارکنان ءَ دیما روگ بیت۔آہاں گوشت کہ استیں پارلیمنٹ راج دپتر ءِ منتشر پارلیمنٹ انت۔مہ مہلوک ءِ مفاد ءِ تہ کانودساچی کنگ لوٹگ اوں،یک جستے پسو ءَ آہاں گوشت کہ اومان ءِ سپیکر ءِ سروکی ءِ تہ پاکستان ءِ تروتاب ءَ اتکگ انت پارلیمانی ڈل ءَ کشمیر ءِ ھوالہ چہ باز شریں بیان داتگ۔ مہ وتی پارلیمنٹ ءَ را کشمیر کاز ءِ ھاترا کارمرز کنگ اوں۔ایس ڈی جیز ءِ ھوالہ چہ ھم کار بوھگاانت۔آہاں گوشت کہ مہ اسمبلی ءِ تہ یک کمیٹی جوڈ کتگ انت ہمہ کہ استیں کانود ءِ تہ ترامیم ءُُ نوکیں کانود ءِ شؤرءُُ صلاح دات۔آہاں گوشت کہ مہ 200نوکیں کانود ءِ ڈرافٹ کتگ انت۔استیں سال کانود ساچی ءِ سال بیت تنکہ پارلیمنٹ وتی راستیں نام ءِ نیمگا بیا ایت۔آہاں گوشت کہ اے ملک ءِ مئے سرءَ وام انت،ملک ءَ مارءَ شرپ دات،مہ مہلوک ءِ باندات ءِ ھاترا کار کنگ لوٹگ اوں۔آہاں گوشت کہ مزن وزیر مروچی چار شمبے ءَ اوگانستان ءَ روگ انت،من ھم اے ھوالہ چہ وتی کرد ادا کتگ۔آہاں گوشت کہ گوں بھارت ءَ مئے سیادی شر نیست انت بلے دگہ ہمساھگ ملکاں گوں سیادی گہتر کنگ لوٹگ اوں۔یک جستے پسو ءَ آہاں گوشت کہ استیں اسمبلی ءَ بیست ءُُ یک بل من اتگ انت ءُُ پنجاھ بل کمیٹی آنی ھوالہ کتگ ات۔یک جستے پسو ءَ آہاں گوشت کہ من کدی ھم وتی کارءَ دست مانجنی مہ کتگ۔وتی کُرشی ءِ دراھیں راھبند کانودءِ ردا پیلو کناں۔آہاں گوشت کہ پی ٹی آئی منی گل انت پرچا کہ من وتی سیاسی زند ءِ بنداتی پی ٹی آئی چہ کتگ۔ایشی سرا کسے ءَ گوں کمپرومائز مہ کنگ بیت بلے سپیکر ءِ منصب ءَ را آئین ءُُ کانود ءِ ردا چلائینگ بیت۔آہاں گوشت کہ مہ مہلوک ءَ را جوابدہ انت ءُُ مہلوک ءِ گہتری ءِ ھاترا پارلیمنٹ ءِ کرد ءَ را گہتر جوڈ کناں۔
