دری معاملہانی بنجاہی وزیرشاہ محمود قریشی ءِ ایرانی ہم کار جواد ظریف ءِ گوما ٹیلیفونک رھوت
اسلام آباد۔ 3 ستمبر (اے پی پی)دری کارانی بنجاہی وزیر شاہ محمود قریشی ءَ ایران ءِ وتی ہمکارجواد ظریف ءِ گوما گوانکو ءِ سرا رابطہ کتگءُُ مقبوضہ جموں و کشمیر ءِ تہ جاڑی انسانی حقانی سکیں ھلاپ ورزیانی ءُُ دمگ ءِ تہ امن ءُُ ایمنیءِ ردیں جاورھال ءِ سرا ھیال ریچی کتگ۔ایران ءِ دری کارانی وزیر ءَ زوربرتگیں کشمیر ءِ جاورھال ءِ سرا جہلانکیں تکانسری ءِ درشان کنان ءَ گوشت کہ بھارتی گاماں چہ خطہ ءِ تہ امن ءُُ امان ءِ جاور نگیگ بنت۔سئے شمبے ءَ شاہ محمود قریشی ءَ وتی ایرانی ہمکار جواد ظریف ءَ را زوربرتگیں کشمیر ءِ نوکتریں جاورھال چہ سرپد کنان ءَ گوشت کہ ہندوستان ءَ زوربرتگیں کشمیر ءِ تہ گوستگیں چار ھپتگ چہ یک شلہ کرفیو جتگ انت وھدیکہ بھارت ءِ نیمگا چہ زوربرتگیں کشمیر ءِ تہ انسانی حقانی ھلاپ ورزی عروج ءَ انت۔جاورھال باز نگیگ انت اودا وردن ءُُ درمان ءِ آسراتی ھلاس بوتگ۔ ایرانی دری معاملہانی وزیر ءَ جاورھال ءِ سرا جہلانکیں تکانسری ءِ درشان کنان ءَ گوشت کہ اے رنگیں گام ءَ چہ خطہ ءِ تہ کشیدگی ءِ تہ گیش ودکی کائیت۔
