اسلام آباد۔ 03ستمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ مظلوم کشمیری تا گار و پراد جہانی ضمیر ءِ سرفنگ اٹی ءِ، بھارت حق و سچ انا توار ءِ توننگ کپک، بھارتی تکبر مش تا مننگ ءِ، ہر کنڈآن اودے بوزاٹ کنوئی تمنگ ءِ۔ سے شنبے نادے آ تینا اسہ ٹویٹ اسے ٹی اوپارے کہ مظلوم کشمیری تا گار وپراد جہانی ضمیر ءِ سرفنگ اٹی ءِ۔ بھارت حق و سچ انا توار ءِ توننگ کپک۔ اوپارے کہ مقبوضہ جموں کشمیر نا الس نا روا و کانودی حق انا توار نا گونج یورپین پارلیمنٹ اٹی بنگن۔خصوصی کمکار پارے کہ بھارتی تکبر مش تا مننگ ءِ۔ ہر کنڈآن اودے بوز اٹ کُننگ ءِ۔ یورپین پارلیمنٹ مقبوضہ کشمیر نا حالیت آتے تشویشناک گوندسا دمدستی کرفیو ءِ ہرفنگ نا خواست کرینے۔ ڈاکٹر فردوس عاشق اعوان پارے کہ ہرے پہ زو جنتی دامان اٹ آجوئی نا دے دے ٹک ایتک۔
