آبادی آ کنٹرول کننگ کن مذہبی راہشون آتیان ہم کمک ہلینہ، آبادی نا ودنگ راجی ویل اس آخا معیشت نا ہم ویل ءِ، ظفر مرزا

اسلام آباد۔ 03 ستمبر (اے پی پی) وزیراعظم نا خصوصی کمکار جان جوڑی ظفر مرزا پارینے کہ حکومت نا کنڈآن 2 سد بلین روپئی احساس پروجیکٹ کن جتا کننگانے، آبادی آ کنٹرول کننگ کن وزارت مذہبی راہشون تیان ہم کمک ہلینہ، آبادی نا ودنگ راجی ویل اس آخا معیشت نا ہم ویل ءِ، اسہ ہی وخت اٹی حکومت خلقت نا فلاح نا کنڈاروان ءِ۔ داخیال آتا درشانی ءِ او سے شنبے نادے آ داڑے پاکستان اٹی لمہ و چنانا جان جوڑی نا بابت دود آن تران کرسا کرے۔ خصوصی کمکار پارے کہ حکومت دوسد بلین روپئی احساس پروجیکٹ کن جتا کننگانے، ادارہ غاتے ٹی اصلاحات المی ءِ۔ اوپارے کہ معلومداری تیٹی پالیسی ءِ تینا کننگ آن ویل آتا ایسری نا پٹنگ ممکن ءِ، ہراتم نن خوڑتی اٹ جاچ ہلینہ تو ننے ویل آتا کساس مریک، ننا ادارہ غاتا کاریم ءِ الس نا ویل آتے ایسر کننگ ناءِ۔ اوپارے کہ وزارت جان جوڑی و وزارت راجی آسراتی خلقت نا جان جوڑی کن اواری اٹ کاریم کننگ ءُ۔ اوپارے کہ آبادی نا ودنگ راجی ویل اس آخا معیشت نا ہم ویل ءِ۔ اسہ ہی وخت اٹی حکومت خلقت نا فلاح نا کنڈاروان ءِ۔ ظفر مرزا پارے کہ آبادی آ کنٹرول کننگ کن وزارت مذہبی راہشون آتیان ہم کمک ہلینہ۔ اوپارے کہ 65 ہزار لیڈی ہیلتھ ورکرز نا ٹاسک ءِ۔ صوبائی حکومت آتے ہم شرح پیدائش ءِ کم کننگ نا ڈٹ آتے کن فنڈ تننگک۔ اوپارے کہ ادارہ غاتے ٹی اصلاحات نا بابت وزیراعظم خصوصی پارت کرینے۔ بحیثیت قوم ننے دا ویل آ سجفوئی مریک۔ آبادی نا ویل آتے ایسر کننگ کن ٹاسک فورس اس جوڑ کننگانے۔ فیملی پلاننگ نا بابت الس اٹی آگاہی تننگک و وزارت دا معاملہ ٹی ہیلتھ پاپولیشن تون ہم سلابت کیک۔