اسلام آباد۔ 03 ستمبر (اے پی پی) وزیراعظم نا خصوصی کمکار انسداد پولیو بابر بن عطاء پارینے کہ تاریخ اٹی اولیکو وار لمہ و باوہ غاتا پاکستان پولیو پروگرام اسکان رسینگ کن مچ آ ہفتہ 24گھنٹہ پولیو وٹس ایپ ہیلپ لین نا بناءِ کننگانے۔ سے شنبے نادے آ تینا اسہ ٹویٹ اسے ٹی اوپولیو وٹس ایپ ہیلپ لین نا بناءِ کننگ نا پڑو ءِ کرسا پارے کہ پولیو نا ویکسینیشن و معلومداری کن وٹس ایپ نمبر 0346-7776546آ رابطہ کننگ مریک۔ خصوصی کمکار پارے کہ پولیو ویکسین، پولیو مہم، پولیو ٹیم یا پولیو نا بابت ہروڑنا غاو، سلاہ و معلومداری کن براہ راست رابطہ کیر۔ ہندا نمبر آ ٹیکسٹ میسج یا وائس میسج آ رابطہ کننگ مریک۔ نما غاوتیا دمدستی کارروائی کننگک۔ اوالس آن خواست کرے کہ پاکستان ءِ پولیو فری اس جوڑ کننگ کن تینا پبی کڑد ءِ ادا کیر۔
