اسلام آباد۔ 03 ستمبر (اے پی پی) قومی احتساب بیورو نا چیئرمین جسٹس جاوید اقبال گڑاس بندغ آتا کنڈآن اسہ جعلی ویب سائٹ “www.pakistan.job.pk” اسے نا کمک اٹ الس آن نیب اٹی خورک آسامی تے پُر کننگ کن درخواست آتا ہلنگ و رجسٹریشن فیس انا پن آ پاننگوک وڑاٹ پیسہ ہلنگ نا حوال آتا سختی اٹ نوٹس ءِ ہلسا تعلقدار ڈائریکٹر نیب ءِ پارت کرینے کہ ہندا ویب سائٹ نا بارواٹ ایف آئی اے ءِ کانودی وڑاٹ معلومدار کننگے تانکہ جعلی ویب سائٹ جوڑ کننگ والس تون درو کروک آ عنصر آتا برخلاف کانود نارداٹ کارروائی کننگ مرے۔ سے شنبے نادے آ جاری اسہ بیان اسے نا رداٹ نیب الس ءِ ہم اوفتا فائدہ کن معلومدار کرینے کہ نیب اٹی آسا می تے پُر کننگ کن نئے بیرہ میرٹ و شفافیت نا خواست آتے مون آ تخسا اردو وانگریزی اخبار آتے ٹی اشتہار تننگک بلکن نیب وپیپرا نا ویب سائٹ آتیا ہم تعلقدار اشتہار آتے اپ لوڈ کننگک تانکہ انصاف نا خواست آتے پورو کننگ مرے۔
