اسلام آباد۔ 03 ستمبر (اے پی پی) پاکستان نا دورہ غا بروک آ اومان نا پارلیمانی ڈل سے شنبے نادے آ پارلیمنٹ ہاؤس نا سبزہ زار اٹی نیال اس خلکر۔ سلطنت اومان نا مجلس شوریٰ نا 10 باسکی پارلیمانی ڈل پارلیمنٹ ہاؤس نا دورہ ءِ کریر۔ ڈل انا کماشی ءِ چیئرمین مجلس شوریٰ خالد بن ہلال ناصر المعولی کننگ ءِ۔ پارلیمنٹ ہاؤس آ بننگ آ اسپیکر قومی اسمبلی اسد قیصر پارلیمنٹ نا باسک و قومی اسمبلی نا بڑزکو آفیسر آتون اوار پارلیمنٹ نا صدر درگہ غا ڈل ءِ بخیر کرے۔ ڈل پارلیمنٹ نا سبزہ زار اٹی منگولیا گرینڈی فلورہ نا نیال اس خلسا پاکستان تون تینا سنگتی و مہر و مابت نا درشانیءِ کرینو۔ داوخت آ ڈل امہ نا شونداری، شونہالی و سلامتی کن خصوصی دعاہم کریر۔
