مقبوضہ جموں و کشمیر نا حالیت آتیا مچ آ دنیا گڑتی نا درشانی ءِ کننگ ءِ، اوغانستان اٹی امن کن ہچ ءُ عسکری ایسر اس اف، وزیر خارجہ مخدوم شاہ محمود قریشی

اسلام آباد۔ 03 ستمبر (اے پی پی) وزیر خارجہ مخدوم شاہ محمود قریشی پارینے کہ مقبوضہ جموں و کشمیر نا حالیت آتیا مچ آ دنیا گڑتی نا درشانی ءِ کننگ ءِ، اوغانستان اٹی امن کن ہچ ءُ عسکری ایسری اس اف، سکھ برادری نا ہندوستان نا حکومت آ بھاز دباؤءِ۔ داخیال آتا درشانی ءِ او داڑے پلڈ اٹ نا کنڈآن ”بدلینگوک آ دنیا ٹی پاکستان نا خارجہ پالیسی“ نا سرحال آ سیمینار آن تران کرسا کرے۔ وزیر خارجہ پارے کہ مقبوضہ جموں و کشمیر نا حالیت آتیا مچ آ دنیا گڑتی کننگ ءِ۔ تدوک آ دے یورپی پارلیمنٹ نا دیوان اٹی کشمیر نا حالیت آشرہ مس۔ تدوک آ چار ہفتہ ٹی سفارتی کہول آ پاکستان کاریم ءِ پین ترند کرینے۔ نن اقوام متحدہ سیکورٹی کونسل، انسانی حق کونسل و او آئی سی تون رابطہ کرینن۔ اوپارے کہ 5 اگست آن پد ڈیہہ نا حالیت آتے ٹی بھاز بھلو بدلی اس بس۔ اوپارے کہ خارجہ پالیسی آخبتی قومی فائدہ غاتا رداٹ تخسا ترتیب تننگک۔ داوخت آ قوم یکجہتی نظر بننگ ءِ۔ اوغانستان اٹی امن کن ہچ ءُ عسکری ایسری اس اف۔ وزیر خارجہ پارے کہ قلمدان ءِ سنبھالنگ آن پد اکنامک ڈپلومیسی آ کاریم نا بناءِ کرینن۔ نن ایف اے ٹی ایف نا معیشت و خارجہ امور آ ممکنہ اثر آتیان جوانی اٹ بلد اُن۔ سکھ کمیونٹی نا ہندوستان نا حکومت آ بھاز دباؤءِ۔