مزن وزیر عمران خان ءِ انٹرنیشنل سکھ کنونشن ءَ گوں گشتانک

لاہور ۔ 2 ستمبر (اے پی پی) مزن وزیر عمران خان ءَ گوشت کہ پاکستان اچبر ھم اچ نیمگ ءَ چہ پیسر نہ بیت، کشمیر ءِ جاور ھال آناں اچ بنی آدم برداشت کت نہ کنت، کشمیر ءَ ھرچی بوھگ ءَ انت اگاں آ دگہ یک نیک راھی منوک آنی گوما بہ بوت انت گڈا آ وھد ءَ ھم وتی گوانک ءَ را ھم چست کتگ ات، ہندوستان ءَ ہندو آنی سروکی ءُُ ایشانی ساچست ھم پاگواجئی ایوک ءَ نہ انت ایش سرج میں دگنیا ءِ واستہ ھم بیم ناک انت، درستاناں اے لیکہ ءِ ھلاپ ءَ گوانک چست کنگی انت، سروکی ءَ چہ آیگ ءَ پد بھارتی مزن وزیر مودی ءَ گوں یکوئی گہتر کنگ ءِ واستہ گام جت بلے کوشست ءَ ابید مارا انچو لگ ات کہ ہندوستان سپر پاور ءِ رنگ ءَ مئے سر ءَ شرط جنگ ءَ انت، ایشی ءِ سر ءَ ما ابکہ بوت انتت، سکھ آناں ائیر پورٹ ءَ ویزہ ءِ پجاری ءَ ھوار ایندگر آسراتی دیگ بیت، کرتار پور ا راہداری پچ کنگ سکھ آنی سر ءَ اچ احسان ءِ نہ ات، اے ایشانی شرپ مندیں جاھ ات ۔ دوشمبے ءَ ادا انٹرنیشنل سکھ کنونشن ءَ گوں گشتانک دیان ءَ مزن وزیر عمران خان ءَ سکھ آناں دل یکیمی دات کہ آئی ءَ را ملٹی پل ویزا دیگ بیت، ما سروکی ءَ آیگ ءَ چہ پد ویزا ءِ نظام ءِ تہ ءَ مٹ ءُُ بدلی کتگ، کوشست کناں کہ سکھ آناں ائیر پورٹ ءَ ویزہ بہ رس ایت، ہندوستان ءَ آیگ ءُُ روگ ءِ واستہ ملٹی پل ویزہ جاڑی کنگ بیت ۔ آئی ءَ گوشت کہ ادا یک سکھ سروک سرجیت سنگھ ءَ گوشتگ کہ کسد ءُُ کنت ھلاس کنگ لوٹ ایت ۔ مزن وزیر ءَ سرج میں سہرا کت کہ مئے نیمگ ءَ چہ اچبر اچ چیز ءِ تہ ءَ پیسر نہ بوتگ اَنت، کشمیر ءِ جاور ھال آنی سیادی بنی آدم ءَ گوں است انت ءُُ اچبر اے رنگیں جاور ھال برداشت کنگ نہ بیت ۔ مزن وزیر ءَ گوشت کہ اگاں ظلم کجام یک نیک راھی منوک ءِ ھلاپ ءَ بوتیں گڈا آئی ھلاپ ءَ الم گوانک برز کتگ ات ۔ مزن وزیر ءَ گوشت کہ کرتار پور راہداری ءِ پچ کنگ ءِ پد ءَ شگر گرگ ءِ اچ گپ نیست، کرتار پور ءُُ ننکانہ مئے مکہ ءُُ مدینہ ءِ رنگ ءَ سکھ آنی شرپ مندیں ھند ءُُ جاھ اَنت، ما اے گپ ءَ ساچست کت نہ کناں کہ مارا کسے مکہ ءُُ مدینہ ءَ روگ ءَ بدار ایت، سکھ آنی واستہ آسانی پیداک کنگ مئے سر ءَ پرز انت، ما نیک راھی جاھ آنی سر ءَ سکھ آناں آسراتی دیاں ۔ مزن وزیر ءَ گوشت کہ بابا گرونانک ءِ 550 سالروچ سکھ برات آنی گوما یکجائی ءَ جوانیں رنگ ءَ برجم داراں ۔