پاکستان تحریک انصاف ءَ (ن) لیگ ءُُ پیپلز پارٹی ءِ ھلاپ ءَ اچ کیس جوڑ نہ کتگ، آواں وت یک ءِ دومیگ ءِ ھلاپ ءَ جوڑ کتگ بوتگ، نیب حکومت ءِ چیر دست نہ انت، ما آوانی جیڈھ آنی تہ ءَ پینگ نہ جناں، نیب ءِ کانود ءَ کانود ھرابی مان، ایشاناں دپگ کنگ ءِ ھم ضلورت است انت، بنجاھی وزیر ءِ پارلیمانی کار اعظم سواتی

اسلام آباد۔ 2 ستمبر (اے پی پی) بنجاھی وزیر پارلیمانی کار اعظم سواتی ءَ گوشت کہ پاکستان تحریک انصاف ءَ (ن) لیگ ءُُ پیپلز پارٹی ءِ ھلاپ ءَ اچ کیس جوڑ نہ کتگ، آواں وت یک ء ِ دومیگ ءِ ھلاپ ءَ کتگ اَنت، نیب حکومت ءِ چیر دست نہ انت، ما اچ جیڈھ ءِ تہ ءَ پینگ جت نہ کناں، نیب ءِ کانود ءَ کانودی ھرابی مان ءُُ ایشاناں دپگ دیگ ءِ ھم ضلورت انت۔ چے اپوزیشن لوٹ ایت کہ بین، آمید گس، جیل ءُُ ایندگر ادارگ ھلاس کنگ بہ بنت ءُُ اے ملک ءِ سیر لاپ ءُُ گریب آنی جتا جتائیں کانود انت۔ اے ھیالانی درشانی آئی ءَ دو شمبے ءَ ادا سینیٹ ءَ اپوزیشن باسک آنی بُکگ جنگ ءِ پسو ءَ گوشت انت۔ اعظم سواتی ءَ گوشت کہ حکومت الس ءِ جان ءُُ مال ءِ رکھینگ ءِ زمہ دار آں، آصف علی زرداری ءِ جان سلامتی ءِ واستہ آسراتی پجارینگ ءِ ھوالگ ءَ وزیر ءِ توکی کار گہتر گوشت کنت۔ (ن) لیگ ءُُ پیپلز پارٹی ءَ یک ءِ دومیگ ءِ ھلاپ ءَ کیس جوڑ کتگ ءُُ پارلیمنٹ ءِ توک ءَ نیب ءِ ھاترا کانود جوڑ کتگ ءُُ نیب ءَ را وت مستر کتگ۔