کراچی۔ 2 ستمبر (اے پی پی) صدر مملکت ڈاکٹر عارف علوی ءَ گوشت کہ بھارت ءِ نیمگا چہ زوربرتگیں کشمیر ءِ تہ ھالیگیں درکانودی گامانی تب جنوبی ایشیاء ءِ سلامتی ءِ جاورھال ءِ سرا کپ انت، پاکستان کشمیر جیڈھ ءِ حل ءِ تاں بھارتی زلماں را ہمک تبک ءَ اجاگر کن ایت۔ملک ءِ دیمپانی سوگو ءِ دستاں انت۔پاکستان ءِ معاشی دیمروئی تیاب چہ بلا تعطل بیئپار ءَ گوں بندوک انت ایشی ءِ ھاترا پاک بحریہ ءِ کرد باز ارزشت دار انت۔آہاں اے گپ دوشمبے ءَ ادا بحری مشق ’شمشیر البحر VII‘ ءُُ ’ترسیل بحر II‘ ءِ بنداتی مراگش ءَ گوں تران کنان ءَ کتگ انت۔ پاک بحریہءِ ربالکار ءِ گوشگ ءِ ردا صدرمملکت ءَ ہمہ کہ اے مراگش ءَ ھاسیں مہمان ات، ایشی ءَ را پاک بحریہ ءِ جنگی ءُُ آپریشنل تیاری ءِ سرا بریفنگ داتگ۔ پاک بحریہ ءِ مشق شمشیر البحر ہمک دوسال ءِ رندابرجم دارگ بوھگ انت۔اے موہ ءِ سرا صدر مملکت ءَ گوشت کہ بھارت،سی پیک ءُُ گوادرءُُ گوادر بندن جاھ ءِ منصوبگءَ را تاوان دیگ ءِ جزم دار انت بلے پاکستان ءِ دفاع سوگو ءِ دستاں انت ءُُ من ءَ پاکستان ءِ اُردو ءِ سرا پکر انت۔ربالکار پاک بحریہ ءِ گوشگ ءِ ردا بحری مشق شمشیر البحر ءِ تہ سئیں اُردو ءُُ ہمگرنچیں وزارتانی نماھندگ ھوار بنت۔اے مشق ءِ مول ءُُ مراد اے رنگیں کانسیپٹ ءَ را عملی وڈ ءَ پج آرگی انت آہاں را پدا ایشانی بحری حکمت عملی ءِ بھر جوڈ کنگ بیت۔ایشی ءَ چہ پیسرءَ آھگ ءِ سراپاک بحریہ ءِ سروک ایڈمرل ظفر محمود عباسی ءُُ دگہ مزن تکی واکدارءَ ملک ءِ صدرءَ را وش اتک کتگ۔
