27 فروری ءَ پاک فضائیہ ءِ ورناہاں بھارتی ناشرکاری ءِ دیم پروشیں پسو داتگ،دو جنگی گراباں را وتی سیمسرءِ ھلاپ ورزی ءِ سرا تباہ کتگ،سرجمیں راج ءَ را ایشانی دلیری ءِ سرا سلام پیش کنگ انت،دری کارانی وزیر شاہ محمود قریشی

اسلام آباد۔ 2 ستمبر (اے پی پی) دری کارانی بنجاہی وزیر شاہ محمود قریشی ءَ دوشمبے ءَ ایئر ہیڈکوارٹرز اسلام آباد ءِ تہ تروتاب کتگ۔ پاک فضائیہ ءِ سروک ایئر چیف مارشل مجاہد انور خانءَ آئی ءِ وش اتک کتگ۔دری معاملہانی کارگس ءِ نیمگا چہ جاڑی بیان ءِ ردا مزن وزیر عمران خان ءِ ہمبراہ دری معاملہانی بنجاہی وزیر ءَ را پاک فضائیہ ءِ کسبی تیاری ءِ ھوالہ چہ سرجمیں بریفنگ دیگ بوتگ۔دری کارانی وزیر ءَ پاک فضائیہ ءِ کسبی بود ءَ را ساڑان ءَ گوشت کہ ہمہ رنگ ءَ کہ 27فروری ءَ پاک فضائیہ ءِ ورناہاں بھارتی ناشرکاری ءِ دیم پروشیں پسو دیان ءَ بھارت ءِ دو جنگی گراباں را وتی سیمسرءِ ھلاپ ورزی ءِ سرا تباہ کتگ۔سرجمیں راج ءَ را آہانی دلیری ءِ سرا سلام پیش کنگ انت۔پاک فضائیہ ءِ سروک ایئر چیف مارشل مجاہد انور خان ءَ دری معاملہانی وزیر ءَ را سوینئر پیش کتگ۔اے سوینئر ءِ ھاسیں گپ ایش انت کہ اے27فروری ءَ بھارتی ونگ کمانڈر ابھی نندن ءِ کپتگ ءِ گراب ءِ لٹ ءِ عکس انت۔