اسلام آباد۔ 2 ستمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ وزیراعظم عمران خان نا کال آ مچ آ قوم انا کسر تیا نیم گھنٹہ کن برانز جہانی میڈیا نا چکار نا وت جوڑ مس، مقبوضہ جموں و کشمیر نا الس نا لازوال قربانی و وزیراعظم عمران خان نا خلوص نیت آ مبنی سفارت کاری مچ آ دنیا ٹی تینا رنگ ءِ نشان تننگ ءِ، بھارت کوشست آتیان پد ہم نئے تو او آئی سی نا توار ءِ چپ کرفنگ کرے و نئے سلامتی کونسل نا دیوان ءِ سلفنگ کرے، یورپین پارلیمنٹ نا ایجنڈا غا کشمیر نا ویل آ شرہ مننگ ننا سرسہب سفارت کاری نا عملی شاہدی ءِ۔ دوشنبے نادے آ تینا ٹویٹ اٹی او پارے کہ وزیراعظم عمران خان نا کال آ مچ آ قوم انا کسر تیا نیم گھنٹہ کن برانز جہانی میڈیا نا چکار نا وت جوڑ مس، داغٹ اوفتے کن سبخ اسے ءُ، ہرافک قوم انا سچا جوزہ غاتون مسخرہ کریر۔ اوپارے کہ مقبوضہ جموں کشمیر نا الس نا لازوال قربانی و وزیراعظم عمران خان نا خلوص نیت آ مبنی سفارت کاری مچ آ دنیا ٹی تینا رنگ ءِ نشان تننگ ءِ۔ ڈاکٹر فردوس عاشق اعوان پارے کہ اینو دنیا مظلوم کشمیری تا حق اٹی پاکستان تون یک زبان مرسا توار بڑز کننگ ءِ۔ بھارت کوشست آتیان پد ہم نئے تو او آئی سی نا توار ءِ چپ کرفنگ کرے و نئے سلامتی کونسل نا دیوان ءِ تورفنگ کرے۔ خصوصی کمکار پارے کہ یورپین پارلیمنٹ نا ایجنڈا غا کشمیر نا ویل شرہ ٹی بننگ ننا سرسہب سفارت کاری نا عملی شاہدی ءِ۔ ڈاکٹر فردوس عاشق اعوان پارے کہ بھارتی موقف مچ آ دنیا ٹی تالان مسنے کہ کشمیر اونا تہہ نا معاملہ اسے۔
