اسلام آباد۔ 02 ستمبر (اے پی پی) وزارت مذہبی امور روڈ ٹو مکہ پروجیکٹ ءِ ملک انا ایلو بالی پٹ آتسکان ودفنگ نا بابت سعودی کمامدارآتون رجوع کننگ کن تیار ی تا بناءِ کرینے۔ وزارت مذہبی امور نا ذرائع نا پاننگ ءِ کہ اینخو نا سال 22ہزار حاجیک اسلام آباد آن روڈ ٹو مکہ پروجیکٹ نا کمک اٹ حج کریر۔ داپائلٹ پروجیکٹ نا سرسہب پوروی آن پد وزیراعظم نا سلاہکار انسلیشمنٹ ارباب شہزاد و سیکرٹری مذہبی امور بنجائی کابینہ نا دیوان اٹی حج بست و بند آتا بابت بریفنگ تسر وپاریر کہ بروک آ سال کراچی لاہور و پشاور نا بالی پٹ آتا کمک اٹ رادہ مروک آ عازمین تے ہم روڈ ٹو مکہ پروجیکٹ نا آسراتی فراوان کننگ کن سعودی وزارت حج اتون ہیت کننگک۔ ذرائع نا رداٹ وزارت مذہبی امور روڈ ٹو مکہ پروجیکٹ تون اوار ایلو حج بست و بند آتے پین گچین کننگ کن سلاہ تیا سجفنگ نا بناءِ کرینے۔ ہرافتے پورو ءُ دروشم اس ترسا باقاعدہ منظوری کن بنجائی کابینہ ءِ منظوری کن گدریفنگک۔
