لاہور ۔ یکم ستمبر(اے پی پی ) سروزیر پنجاپ سردار عثمان بزدار ءَ گوں وزیر ءِ ریلوے شیخ رشید احمد ءَ گند ءُُ نند کت، صوبائی وزیر ء، کانود راجہ بشارت ھم اے موہ ءِ سر ءَ ساڑی ات ۔ گند ءُُ نند ءَ بے کسوریں کشمیریک الس آنی سر ءَ بھارتی اُرد ءِ ظلم ءُُ زوراکی ءِ مذمت کنان ءَ گوشت کہ مقبوضہ کشمیر ءِ بے کسوریں الس آنی گوما سرج میں یکوئی ءِ درشان کنگ بوت ۔ سر وزیر عثمان بزدار ءَ گوشت کہ مودی سرکاری ءِ راجدپتری ردی ءَ کشمیر ءِ آزاتی ءِ جہد ءُُ کوشست ءَ نوکیں روح ءِ مان کتگ ۔ مقبوضہ کشمیر ءِ زھگ زھگ آزاتی لوٹگ ءَ انت ۔ آئی ءَ گوشت کہ پیلٹ گنز ءِ تیر، کرفیو ءُُ لاک ڈاءون ھم دلیریں کشمیری آنی آزاتی ءِ جوزگ ءَ را لگت مال کت نہ کنت ۔ آئی ءَ گوشت کہ نریندر مودی ءَ ظلم ءُُ زوراکی ءِ پڑ ءَ ہٹلر ءِ راج دپتر پشت ءَ دور داتگ ۔ میاں اوستمانی میڈیا ءَ ھم کشمیری الس آنی سر ءَ بوھوکیں بھارتی ظلم آناں سہرا ءُُ پدّر کتگ ۔
