اسلام آباد ۔ 30 اگست (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ میاں اوستمانی منڈی ءَ ٹیل ءِ نیاد آنی تہ ءَ کمی ءِ سیت حکومت وت زورگ ءِ بدل ءَ یک شل ءَ الس آں تاں سر کنت، مزن وزیر عمران خان ءِ سروکی ءَ نوکیں پاکستان ءِ دومی سال راجی دیمروئی، السی گہبود ءُُ ملک ءِ واستہ نوکیں وشیں ھال زور ایت ءُُ کار ایت ۔ آدینگ ءِ روچ ءَ چاگردی تنج ءِ سر ءَ کلوہ ءِ تہ ءَ فردوس عاشق اعوان ءَ گوشت کہ ایش الس دوست حکومت ءِ السی ریلیف دیگ ءِ واستہ پکوئیں گامگیج ات ۔ آئی ءَ گوشت کہ پٹرول ءِ نیاد ءِ تہ ءَ 4 کلدار 59 پیسہ، ڈیزل ءِ نیاد ءَ 7 کلدار 67 پیسہ، گاسٹیل ءِ نیاد ءَ 4 کلدار 27 پیسے وھدیکہ لاءٹ ڈیزل آئل ءِ نیاد ءَ 5کلدار 63 پیسہ کمی ءِ سمری روان دیگ بوتگ ۔ پٹول ءِ نوکیں نیاد 113 کلدار 24 پیسہ، ڈیزل 124 کلدار 80 پیسہ، گاسٹیل ءِ نیاد 99 کلدار 57 پیسہ ءُُ لاءٹ ڈیزل آئل ءِ نیاد 91 کلدار 89 پیسہ شور ءُُ مشور کنگ بوتگ ۔
