اسلام آباد ۔ 30 اگست (اے پی پی) مزن ویر عمران خان ءَ اے گپ ءَ را سہرا کت کہ بھارت ءِ نیمگ ءَ لائن آف کنٹرول ءِ سر ءَ بندش ءِ ھلاپی گیش لھڈ بوھان انت وھدیکہ بھارت مقبوضہ کشمیر ءَ وتی جرم آناں میاں اوستمانی دلگوشی ءَ گستا کنگ ءِ واستہ دروگیں فلیگ آپریشن ءِ کسمانک ءِ ٹھینت کنت، مقبوضہ کشمیر ءِ الس اسلامتی ریاست ءِ کمک ءِ واھشت دار انت ۔ آئی ءَ اے گپ متحدہ عرب امارات ءِ ولی ءِ زمانگ محمد بن زید ءَ گوں آدینگ ءِ روچ ءَ ٹیلی فون ءِ سر ءَ تران کنان ءَ کت ۔ مزن وزیر ءَ آئی ءَ را گوشت کہ مقبوضہ کشمیر ءَ سرج میں لاک ڈاءون ءُُ کرفیو چارمی ھپتگ ءَ سر بوتگ ایشی ءِ سبب ءَ بنی آدمی لگت مال بوھگ ءَ انت ۔ مزن وزیر ءَ گوشت کہ مقبوضہ کشمیر ءِ الس اسلامی ریاست ءِ مھک میں کمک ءِ واھشت دار انت ۔ آئی ءَ گوشت کہ اے موہ ءَ پاکستان ءِ الس ھم یو اے ای ءَ ھوار او آئی سی ءِ ملک آں چہ گیشاں چہ گیش امیت بستگ ۔ عمران خان ءَ اے گپ ءِ سر ءَ زور پر دات کہ میاں اوستمانی برات آنی واستہ سک باز ارزشتی انت کہ آ کرفیو ءُُ ایندگر بندش آنی ھلاسی ءِ واستہ زوتاں چہ زوت گامگیج چست بکن اَنت ءُُ کشمیری الس آنی زندمان ءُُ ھک آناں بہ رکھین اَنت ۔ یو اے ای ءِ ولی ءِ زمانگ ءَ تاجگیں جاور ھال آنی باروا مزن وزیر ءِ شگر ءُُ منت گپت ۔ دوئیں سروک آں استیں جاور آنی بابت ءَ گامگیج چست کنگ ءِ واستہ نزیکیں یکوئی کنگ ءِ سر ءَ تپاک کت ۔
