کوئٹہ۔ 30 اگست (اے پی پی) وزیراعلیٰ بلوچستان جام کمال خان پارینے کہ بلوچستان نا الس و حکومت مقبوضہ کشمیر نا الس تون تفوک ءُ۔ وزیراعظم عمران خان نا توار آ بلوچستان نا خلق خلق اٹی چناک، زالبول و بزرگ آتون اوار غٹ تپہ نا خلقت یوم یکجہتی کشمیر نا پروگرام تیٹی پبی وڑاٹ بشخ ہلسا ثابت کریر کہ سخت دور اٹی کشمیری تے تنیا الیپنہ۔ داخیال آتا درشانی ءِ او جمعہ نادے آ یوم یکجہتی کشمیر نا بابت سرینا چوک آ یکجہتی کشمیر مچی آن تران کرسا کرے۔ داوخت آ گورنر بلوچستان امان اللہ یاسین زئی، بنجائی وزیر دفاعی پیدوار زبیدہ جلال، اسپیکر بلوچستان عبدالقدوس بزنجو، ڈپٹی اسپیکر سردار بابر خان موسیٰ خیل، صوبائی وزیر آک سردار صالح بھوتانی، خالد لانگو، ظہور بلیدی، عبدالخالق ہزارہ، مٹھا خان کاکڑ، ملک نعیم خان بازئی، صوبائی اسمبلی نا باسک آک، سول سوسائٹی نا نمائندہ، تعلیمی ادارہ غاتا طالب علم و زالبول آتا بھلو کچ اس ساڑی ئسر۔ وزیراعلیٰ بلوچستان جام کمال خان پارے کہ سخت انگا دور اٹی کشمیری تے است آن دننگ کپنہ، مودی سرکارنا انسانی حق انا خلاف ورزی تیا بھارت نا تہہ آن توار بڑز مننگ بناکرینے و بھارت نا ہندوک آر ایس ایس آن کنارہ کشی اختیار کرینو۔ اوپارے کہ دنیا ٹی جمہوریت نا چیمپین جوڑ مرسا امن نا ہیت کروک آ لوزی جمہوریت نا دروشم مچ آ دنیا نا مون آ پاش مسنے و دشمن نا بھول ئس کہ قوم اٹی سیوت و سخا ءِ چٹفسا اوفتے ٹی پرخ شاغنہ ولے اینو وزیراعظم عمران خان نا کال آ مچ آ قوم روڈ آتیا پیش تمسا مظلوم کشمیری تے پیدوار کلہو تسنو کہ اوفتا جہد آجوئی نا تحریک اٹی مچ آ قوم بے رنگ و نسل اوفتا ہم کوپہ سلوک مریک۔ ریلی نا بشخ ہلوک آک بھارت نا برخلاف و کشمیری نا حق اٹی فلک شگاف نعرہ خلکر ریلی ٹی سول سیکرٹریٹ، ڈپٹی کمشنر کوئٹہ آفس، بلوچستان اسمبلی سیکرٹریٹ، پاکستان ٹیلی ویژن کوئٹہ سینٹر نا آفیسر و ملازم آتون اوار سول سوسائٹی نا نمائندہ و غٹ تپہ غاتا خلقت بھلو کچ اسے ٹی بشخ ہلکر۔ یکجہتی ریلی آن صوبائی وزیر ظہور بلیدی، عبدالخالق ہزارہ،و ملک نعیم بازئی ئسک ہم تران کریر۔
