کشمیرءِ آجوہی ءِ آشوب ایچ وڑءَ ہلاس کنگ نہ بیت، سرجمیں راج کشمیری اُلسءَ گوں ہم کوپگ اِنت، صدر عارف علوی
اسلام آباد۔30اگست(اے پی پی) مزن وزیر عمران خان ءِ سکینءِ پدراجءَ جمعہ ءِ روچءَ بھارتی مقبوضہ جموں ء ُکشمیر ءِ بزگء ُ بے وسیں اُلسءَ گوں یکوئی ءِ درشانی کتگ وہدے کہ مزن وزیر عمران خان ءَ مزن وزیر کارگسءَ یکوئی کنگ ءِ ہوالگءَ ہڈ داتگیں مراگشءَ گوں تران کتگء ُ اے جزمءِ درشانی کتگ کہ کشمیرءِ آجوہی ءِ جنگءَ ہمک فورمءَ کناں، پاک فوج سرجمءَ تیار اِنت، ہرچ وڑیں کاروائیءِ ترندی پسو دیئگ بیت، نریندر مودی ءَ تکبرءَ ردی کتگ، ایشیءَ پد نوں کشمیر آجوہ بیت۔ صدرعارف علوی ءَ ایوان صدر ءَ مراگشءَ گوں تران کتگء ُ گشتگ کہ کشمیرءِ آجوہیءِ آشوب ایچ وڑءَ ہلا س کنگ نہ بیت، پاکستانءِ سرجمیں راج گوں کشمیر براتاں ہم کوپگ اِنت۔ کشمیری اُلسءَ گوں یکوئیءِ درشانی کنگءَ جمعہءِ روچءَ یکوئی ءِ درشانی 12بجءَ چہ بندات بیت ء ُ 12:30بجءَ بوتگ، یکوئیءِ درشانی ءِ بنداتءَ سرجمیں ملکءَ سائرن توار گیجگ بوتگ اَنت۔ پاکستانء ُ کشمیرءِ راجی سوت توار گیجگ بوتگ اَنت۔ راجی سوت توار گیجگءِ وہدءَ 12بجء ُ 5منٹءَ درائیں ٹریفک اوشتاتگ، ٹرین ہم یک منٹءِ ھاترءَ اوشتاتگ اَنت، پاکستانءِ سرجمیں اُلس نیم کلاکے ءِ ھاترءَ اوشتاتگء ُ گوں کشمیری اُلسءَ یکوئی ءِ درشانی کتگ۔ مزن وزیر ءِ سکین ءِ پدءَ جمعہ ءِ نمازءَ چہ پیسر سرجمیں ملک ءِ اُلس وتی کارگس، لوگ، مارکیٹ ء ُ اندیگہ کارجاہ آں چہ ڈنءَ درآتکگ اَنت گوں کشمیری اُلسءَ یکوئیءِ درشانی اِش کتگ۔
