اسلام آباد۔ 30 اگست (اے پی پی) مزن وزیر عمران خان ءِ پنت ءُُ شون ءِ پد ءَ آدینگ ءِ روچ ءَ سرجمیں راج ءَ کشمیری آں گوں یکوئی ءِ درشان جوانیں جوزگ ءَ گوں کت۔ اے موہ ءِ سر ءَ بنجاھی دارالحکومت اسلام آباد ءِ سرکاری ادارگ آنی ملازم، سوداگر، وکیل، چاگردی گل، دانشگاہ آنی نودربر ءُُ شہری الس آنی مزنیں کساس ءَ اے مراگش ءَ بھر زوری کت۔ آواں آزات کشمیر ءِ بیرک دست ءَ ات۔ سرجمیں ھال آنی رد ءَ کشمیر ءَ گوں یکوئی ءِ درگت ءَ 12 کلاک ءُُ نیم ءَ برجم دارگ بوت۔ پاکستان ءُُ آزات کشمیر ءِ راجی سوت الھان کنگ بوت اَنت۔ اے ساھت ءَ ٹریفک ءَ را ھم دارگ بوت۔ کشمیر ءَ گوں یکوئی ءِ ھوالگ ءَ صدر ءِ مملکت ڈاکٹر عارف علوی، مزن وزیر عمران خان، چاریں صوبگ آنی سر وزیر ءُُ پارلیمنٹ ءِ باسک آں وتی وتی سیکرٹریٹ ءُُ کارگس آنی ماڑی آنی دیم ءَ ءُُ ملک ءِ جتا جتائیں شہر آنی چوک ءُُ چار کشک آنی سر ءَ ریلی در کنگ بوت۔ یات دارگ بہ بیت کہ ملکی راجدپتر ءَ اولی رند ءَ پاکستانی بیرک ءِ گوما آزات کشمیر ءِ بیرک چنڈینگ بوت۔
