اسلام آباد۔ 30 اگست (اے پی پی) صدر مملکت ڈاکٹر عارف علوی ءَ گوشت کہ پاکستان ءِ حکومت ءُُ الس کشمیری آنی گوما ھمگام ءَ اوشتاتگ ءُُ آوانی سیاسی، اخلاقی ءُُ سفارتی کمک ءَ جاڑی دار آں، کشمیری آنی وت واجئی ءِ ھک ءَ را اچ رنگ ءَ چیر تلینت نہ کناں۔ آئی ءَ اے گپ آدینگ ءِ روچ ءَ کشمیری آں گوں یکوئی ءِ درشان ءِ رد ءَ برجم داشتگیں دیوان ءَ گوشتانک دیان ءَ کت ایشی ءِ تہ ءَ زندمان ءِ جتا جتائیں پڑ آں گوں سیادی داروکیں مردم ءُُ وانگ جاھ آنی نودربر آنی مزنیں کساس ءَ بھر زوری کت۔ اولی بانک بیگیم ثمینہ علوی ھم اے موہ ءِ سر ءَ ساڑی ات۔ صدر ءِ مملکت ءَ گوشت کہ سرجمیں پاکستانی راج ءَ وتی استی ایمنیں رنگ ءَ بلے ٹوھیں جاک ءِ وسیلگ ءَ دگنیا ءَ را پیش داشتگ کہ آ کشمیر ءِ جیڈھ ءِ واستہ یک مشت اَنت۔ صدرمملکت ءَ گوشت کہ کشمیری آں گوں یکوئی کنگ ءِ واستہ سرجمیں سرجمیں راج ءِ شگر ءُُ منت وار آں۔ ایشی ءَ چہ پیسر روچ ءَ 12کلاک ءَ پاکستان ءُُ کشمیر ءِ راجی سوت الہان کنگ بوت۔ بھر زورتگیں مردم آں پاکستان ءُُ آزات کشمیر ءِ بیرک ءَ دست ءَ برز کت۔ آئی ءَ پلے کارڈ ھم دست ءَ کتگ اَت، ایشانی سر ءَ ”کشمیر جوڑ بیت پاکستان“،”ما کشمیری برات آنی گوما ھمگام ءَ اوشتاتگ آں“، ”پاکستان کشمیری آنی وت واجئی ءِ گیشاں چہ گیش کمک ءَ کنت“ ءِ نھردگ نبشتگ اتنت۔
