اسلام آباد۔ 30 اگست (اے پی پی) مزن وزیر عمران خان ءَ کشمیر ءِ آزاتی ءَ تاں ھمک فورم ءِ سر ءَ کشمیری الس آنی ھک ءِ جنگ ءَ مڈگ ءِ جار ءَ جنان ءَ گوشت کہ مرچی سرجمیں پاکستانی راج کشمیر ءِ گوما ھمگام ءَ اوشتاتگ، ہندوستان ءِ سر ءَ آر اسی ایس ءِ مسلمانی آنی ھلاپ ءَ کسد ءُُ کینگ ءُُ ہندو راج ءِ لیکہ انت، مودی فاشٹ حکومت ءِ کشمیری آنی سر ءَ ظلم ءُُ زوراکی ءَ را گر ءُُ دار کنگ نہ بوت گڈا یشی ءِ آسر سرجمیں دگنیا ءَ رونت۔ بھارت ءَ آزات کشمیر ءَ دیم سیاھی ءِ کت گڈا پڈو ءِ مٹ ءَ کُتک ءَ دیاں۔ مئے سلاھ بندیں اُردی سرجمیں رنگ ءَ تیار انت۔ آدینگ ءِ روچ ءَ ادا مزن وزیر سیکریٹریٹ ءِ ڈن ءَ کشمیری آں گوں دلپدردی درشان ءِ مراگش ءَ گوں گشتانک دیان ءَ کت، آئی ءَ گوشت کہ مرچی سرجمیں پاکستان سلاھ بندیں اُرد ءِ گوما ھمگام ءَ اوشتاتگ۔ آدینگ ءِ روچ ءَ مزن وزیر سیکرٹریٹ ءِ ڈن ءَ کشمیری آں گوں یکوئی ءِ درشان ءِ مراگش ءَ گوں گشتانک دیان ءَ کت۔ آئی ءَ گوشت سرجمیں پاکستان کشمیری برات آنی گوما ھمگام ءَ اوشتاتگ، ھرجاھ ءَ کہ پاکستانی است انت، سکول کالج ءِ نودربر، دکاندار، مزور، سرکاری مُزدگر ما دُرست کشمیری برات آنی گوما آں۔ آئی ءَ گ وشت کہ کشمیری مرچی ٹوھیں مشکلیں وھد آنی تہ ءَ گوزگ ءَ انت، کساس 80لکھ کشمیری گوستگیں 4ھپتگ آں چہ کرفیو ءِ توک ءَ بند اَنت، مئے مول ءُُ مراد کشمیری برات آناں گوشگ انت، ما درست آوانی گوما ھمگام ءَ اوشتاتگ آں۔ مراگش ءِ بھر زورتگیں مردم آں پاکستان ءُُ آزات کشمیر ءِ بیرک دست ءَ ات۔ اے موہ ءِ سر ءَ مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان، بنجاھی وزیر کشمیر ءُُ گلگت بلتستان ءِ کار علی امین گنڈا پور، وزیر ءِ پارلیمانی کار علی محمد خان ءُُ مزن وزیر ءِ ھاسیں کمکار نعیم الحق ءَ ابید پارلیمنٹ ءِ باسک، سرکاری مُزدگر، کالج ءُُ وانگ جاھ آنی نودربر آں ھوار شہری آنی مزنیں کساس ءِ ھم ساڑی ات۔
