اسلام آباد ۔ 29 اگست (اے پی پی) وزیراعظم عمران خان ءَ ادارگ ءُُ گورننس ءِ جوانیں ءِ واستہ پاکستان ءِ کمک کنگ ءِ پد ءَ ایشیا دیمروئی بینک (اے ڈی بی) ءِ کرد ءَ را ساڑات ءُُ گوشت کہ استیں حکومت پشت کپتگیں مردم آناں گریبی ءَ چہ در کنگ ءِ سر ءَ دلگوشی دیگ ءَ انت ءُُ ایش آئی ءِ زاتی مشن انت ۔ ٹیکس بنیات آناں گیش شاھیگانی دیگ ، ادارگ آنی گیش جوانی ءَ را پجار کنائینگ ءُُ ازمت ءِ پجاری ءِ واستہ نوکیں رپک شوہازگ جوانیں سروکی ءِ مول ءُُ مراد ءِ واستہ اول سرئی شوبگ انت ۔ آئی ءَ اے گپ پنچ شمبے ءِ روچ ءَ ایشیائی دیمروئی بینک ءِ ڈل ءَ گوں گپ ءُُ تران کنان ءَ کت ، ایشی ءِ تہ ءَ نائب صدر شی ژی چن ءِ سروکی ءَ کلانہ ایں مشیر احسان خان ءُُ کنٹری ڈائریکٹر اے ڈی بی برائے پاکستان چیاءو ہونگ یانگ ءِ ھمبراھی ءَ مزن وزیر کارگس ءَ گند ءُُ نند کت ۔ وزیر برائے اقتصادی کار محمد حماد اظہر ، مشیر برائے ھزانگ ڈاکٹر عبدالحفیظ شیخ ءُُ کلانہ ایں کارندہ ھم اے موہ ءِ سر ءَ ساڑی اتنت ۔ ایشیائی دیمروئی بینک ءِ نائب صدر ءَ مزن وزیر ءَ را معیشت ءِ جتا جتائیں شوبگ ھاسیں رنگ ءَ تجارت ءُُ ایشی ءِ ھمگونگ آنی ھوالگ ءَ پاکستان ءَ رستیں کسانوکیں ءُُ درجیں وھد ءُُ پاسی کمک آنی بابت ءَ سرپد کت ۔ آئی ءَ گوشت کہ جوڑیشت کاریں باسک ءِ بستار ءَ پاکستان، بینک ءِ ارزشتی ایں شریکدار ات ۔ مزن وزیر ءَ گوشگ بوت کہ وزیر ءِ اقتصادی کار ءَ مزن وزیر ءِ نیمگ ءَ ایشیائی دیمروئی بینک ءِ صدر ءَ را پاکستان ءِ تر ءُُ تاب ءِ دعوت داتگ ۔ مزن وزیر ءَ اقتصادی کار ڈویژن ءَ را پنت ءُُ شون کت کہ اے ڈی بی ءِ منصوبگ آنی سر ءَ ترندی ءَ کاراوائی ءُُ گامگیج کنگ بہ بیت تانکہ پاکستان ءُُ ایشی ءِ شہری آناں اقتصادی وشھالی ءَ اے ڈی بی ءِ کمک ءَ آسراتی بہ رس ایت ۔
