اسلام آباد ۔ 29اگست(اے پی پی ) اقتصادی کارانی بنجاہی وزیر حماد اظہر ءَ گوں ایشیائی دیمروئی بینک (اے ڈی بی) ءِ نائب صدر شیکسن چنءَ گندء ُ نندکتگ ۔ اے ڈی بی ءِ نائب صدرءَ آئیء َ را اقتصادی کارء ُ ایشیائی ترقیاتی بینک ءِ گورنر بوہگ ءِ مراد بات داتگ ۔ ایشیائی دیمروئی بینک ءِ نائب صدرءَ اوست داتگ کہ اے ڈی بی پاکستانءَ گوں کمک کنت ء ُ حکومت پاکستان ءِ دیمروئی ءِ دلگوشیانی ردءَ منصوبہ آں زرکاری کنت ۔ اقتصادی کارانی بنجاہی وزیر حماد اظہر ءَ آئیءَ را پاکستان ءَ آیگءِ شگرء ُمنت گپتگ ء ُ ملک ءِ معاشی دیمروئی ءَ ایشیائی دیمروئی بینک ءِ کمک ءَ را ساڑاتگ ۔ آئیءَ بیپارء ُ ایندگہ پروگرام آنی ھاترءَ 500ملین ڈالر دیءگءِ سرءَ آئیءِ شگرء ُ منت گپتگ ۔ گندء ُنندءَ ایشیائی ترقیاتی بینک ءِ کمء ُ گیش ہفت ارب ڈالرءِ پاکستانءِ ھاترءَ کنٹری آپریشن بزنس پلان ( سی او بی پی) 2020-22ء ءِ سرءَ ہم حیالء ُ لیکہءِ درشانی کنگ بوتگ ۔ اے گپء ِ سرءَ تپاک کنگ بوتگ کہ سی او بی پی ءَ را ایشیائی دیمروئی بینک ء ُ ای اے ڈی ءِ نیامءَ دونیمگی شورء ُ صلہ ءَ گڑی دروشم دیءگ بیت ۔ اے ہم تپاک کنگ بوتگ کہ کشتء ُ کشاری، آپ ء ُ سپائی ، توانائی، موسمیاتی مٹء ُبدلی، سئیل ء ُ سواد ، ہاءوسنگ ، وانگء ُ زانگ ، جانء ُ سلامتی ء ُ چاگردی پڑآنی منصوبہ آں دلگوشی دیءگ بیت ۔ نائب صدرءَ اوست داتگ کہ پاکستا ن ایشیائی دیمروئی بینک ءِ ھاترءَ باز ارزشت داریت ء ُ بینک پاکستان ءَ گوں وتی سیادی ءَ را محکم کنگءِ واہشت مند اِنت ۔
